بۇگىن، 28 تامىزدا مەملەكەت باسشىسى قاسىم-جومارت توقاەۆ "قازاقستان رەسپۋبليكاسىنىڭ ۇكىمەتى تۋرالى" جارلىققا قول قويدى. قۇجاتتىڭ ءماتىنى اقوردا سايتىندا جاريالاندى، دەپ حابارلايدى "ادىرنا".
"قازاقستان رەسپۋبليكاسى كونستيتۋتسياسىنىڭ 69-بابىنىڭ 1-تارماعىنا، "قازاقستان رەسپۋبليكاسىنىڭ ۇكىمەتى تۋرالى" قازاقستان رەسپۋبليكاسى كونستيتۋتسيالىق زاڭىنىڭ 4-بابىنا سايكەس، قازاقستان رەسپۋبليكاسى ۇكىمەتىنىڭ جاڭادان سايلانعان قازاقستان رەسپۋبليكاسىنىڭ قۇرىلتايى الدىندا ءوز وكىلەتتىگىن دوعارۋىنا بايلانىستى قاۋلى ەتەمىن: قازاقستان رەسپۋبليكاسىنىڭ ۇكىمەتى جاڭا قۇرام بەكىتىلگەنگە دەيىن ءوز مىندەتتەرىن اتقارا بەرسىن", – دەلىنگەن جارلىقتا.
جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستاندا قۇرىلتاي سايلاۋى 23 تامىزدا ءوتتى. سول كۇنى بۇقارالىق اقپارات قۇرالدارىنىڭ وكىلدەرىنە ارنالعان بريفينگتە قاسىم-جومارت توقاەۆ قۇرىلتايدىڭ سايلانۋىنا زور ءۇمىت ارتاتىنىن جانە ونىڭ قازاقستاننىڭ دامۋىنا تىڭ سەرپىن بەرەتىنىنە سەنەتىنىن ايتقان بولاتىن. سونداي-اق مەملەكەت باسشىسى ۇكىمەت قۇرامىندا وزگەرىستەر بولاتىنىن مالىمدەگەن ەدى.
