“قاڭتار وقيعاسى” تۋرالى شىندىقتى بايانداپ جۇرگەن جۋرناليست دينارا ەگەۋباەۆانىڭ كولىگى ورتەندى. سەبەپتەرى انىقتالمادى، دەپ حابارلايدى “ادىرنا” ۇلتتىق پورتالى.
بولعان وقىس جاعدايعا قاتىستى جۋرناليست گۇلميرا ابىقاي تومەندەگىدەي پىكىر ءبىلدىردى.
- الماتىدا ارىپتەسىمىز دينارا ەگەۋباەۆانىڭ اۋلادا تۇرعان كولىگىن بەلگىسىزدەر ورتەپ جىبەردى. ايتەۋىر، دەر مەزەتتە جالىن ءسوندىرىلىپ، ءورت اۋىزدىقتالدى. ەگەر، بەنزين جارىلسا جالعىز دينارا ەمەس قانشا بەيبىت تۇرعىننىڭ ءومىرى مەن مۇلىگىنە زاقىم كەلەر ەدى. بىرەۋلەر قاڭتار وقيعاسىنىڭ اقيقاتىن اشقانى ءۇشىن جازا دەسە، تاعى ءبىرى: پارلامەنتتىك سايلاۋ الدىنداعى ۇركىتۋ; كەلەسى توپ: بۇل كەزەكتى سپەكتاكل دەپ جاتىر. قالاي دەسەك تە، جۋرناليستكە كاسىبي قىزمەتى ءۇشىن قاستاندىق جاساۋ دۇرىس ەمەس! ءجۋرناليستىڭ مىندەتى اقپارات تاراتۋ، بەرۋ، جەتكىزۋ، - دەپ جازدى اۆتور.
وقىرماندار بۇعان قاتىستى ءتۇرلى پىكىر جازىپ جاتىر:
“بۇل - ساياسي قادام”، “كولىك ىشىنەن جانعان. توقتاردان ۇشقىن شىعۋى مۇمكىن. تەحنيكالىق اقاۋ”، “بۇلاردىڭ مەتودى وزگەرمەيدى ەكەن. بالتاش تۇرسىنباەۆ قازاقتىڭ جەرىن جەكەگە ساتۋعا تىكەلەي قارسى بولىپ، حالىقتان قول جيناپ،جەردى ساتقىزبايمىن دەپ بيلىككە قارسى شىققاندا، بالتاشتىڭ دا ماشيناسى ورتەنىپ ەدى”، “زاڭگەرلەر دەن قۇقىقتىق باعا كۇتەمىز: بۇل تەررورما؟ بولسا قانداي ءتۇرى؟ جۋرناليستەردەن اقپاراتتىق قولداۋ مەن قوعامعا اشىق جاريالاپ پرەزيدەنتتەن ورتەگەن ادامداردى تەز ارادا تاۋىپ جازالاۋىن كۇتەمىز. ويتپەسەك، ءبىز رەسەيدىڭ جولىنا تۇسەمىز. دەموكراتيالىق جول ەشقاشان بولمايدى” دەپ جازدى ولار.
“ادىرنا” ۇلتتىق پورتالى
