ۇكىمەت وتىرىسىندا اقمولا وبلىسىنىڭ اكىمى مارات احمەتجانوۆ ءوڭىردىڭ نەگىزگى سالاسى – اۋىل شارۋاشىلىعىن تسيفرلاندىرۋعا ەرەكشە كوڭىل بولىنگەنىن اتاپ ءوتتى.
«وڭىردە اگرارلىق ءوندىرىستىڭ تيىمدىلىگىن ارتتىرۋ ماقساتىندا اۋىل شارۋاشىلىعى مينيسترلىگىمەن بىرلەسىپ، «اقىلدى اوك» مودەلى ەنگىزىلۋدە. ءبىز اگرارشىلاردى مەملەكەتتىك قولداۋ جۇيەسى ارقىلى ىنتالاندىرۋدى جوسپارلاپ وتىرمىز، ونى ء«بىر باتىرما ارقىلى» الۋ قاعيداتىنا كوشىرەمىز. بۇل رەتتە جاساندى ينتەللەكت جەرلەردىڭ نىسانالى پايدالانىلۋىن باعالايدى، سونىڭ ناتيجەسىندە ادال شارۋاشىلىقتارعا مەملەكەتتىك قولداۋ كورسەتىلۋى كەپىلدەندىرىلەدى»، – دەپ اتاپ ءوتتى ءوڭىر باسشىسى.
سونداي-اق اۋىل شارۋاشىلىعى كاسىپورىندارىنىڭ جۇمىسىندا جاساندى ينتەللەكتىنى پراكتيكالىق قولدانۋ بويىنشا پيلوتتىق جوبا ىسكە اسىرىلدى. اتاپ ايتقاندا، الدىڭعى قاتارلى «ديقان پليۋس» شارۋاشىلىعىندا جي وندىرىستىك تسيكلدەردى تالداپ، ءونىم جوعالتۋ سەبەپتەرىن انىقتاپ، تەحنولوگيالىق جەتىلدىرۋلەر ۇسىندى. بۇل شەشىمدەردى قولدانۋ اتالعان شارۋاشىلىقتىڭ ونىمدىلىگىن گەكتارىنا 2 تسەنتنەرگە ارتتىرىپ، تابىستىلىعىن 250 ملن تەڭگەگە ۇلعايتادى دەپ كۇتىلۋدە.
تاسىلدەردى اۋقىمداندىرۋ ماقساتىندا 6 مىڭنان استام شارۋاشىلىققا اۋديت جۇرگىزىلدى. تسيفرلىق شەشىمدەردى ودان ءارى ەنگىزۋ ءۇشىن ەتالون بولاتىن پيلوتتىق شارۋاشىلىقتار ايقىندالدى. جي-شەشىمدەردى ازىرلەۋ جانە اگرارشىلاردى زاماناۋي تەحنولوگيالارعا وقىتۋ ءۇشىن Aqmola hub بازاسىندا زەرتحانا قۇرىلادى.
