Ükımet infliasiiany 9-11%-ǧa deiın tömendetu üşın şaralar keşenın qabyldaidy. Būl turaly Premer-ministrdıŋ orynbasary – ūlttyq ekonomika ministrı Serık Jūmanǧarin mälımdedı, dep habarlaidy «Adyrna» tılşısı.
Aituynşa, baǧalardy tūraqtandyru üşın osy jyldan bastap äleumettık maŋyzy bar azyq-tülık tauarlarynyŋ tızbesı 19-dan 31-ge deiın keŋeitılgen.
Sondai-aq tabiǧi monopoliialar subektılerınıŋ tarifterı ösken kezdegı tigızetın yqpaly qataŋ qadaǧalanbaq. Ol infliasiianyŋ nysanaly parametrlerıne bailanysty şekteletın bolady.
Odan bölek, bizneske qolaily boluy üşın jäne Salyq kodeksın tiımdı engızu maqsatynda Jobalyq keŋsesı qūrylǧan. Būl konsultasiialar men süiemeldeu üşın bıryŋǧai tereze bolady. Tüsındıru jūmystary 130 myŋ käsıpkerdı qamtydy, pıkırler men ūsynystardy esepke alu üşın konstruktivtı dialog jolǧa qoiyldy.
«Josparlanǧan şaralar halqtyŋ äl-auqatynyŋ artuymen qatar jüretın odan ärı ornyqty jäne sapaly ösu üşın negız jasaidy. Barlyq syndarly ūsynystar mūqiiat qaralyp, qorytyndysy boiynşa tüzetuler engızudıŋ oryndylyǧy men qajettılıgı aiqyndalatyn bolady»,-dep atap öttı vise-premer.
