دۇرىس ەمەس. باۋكەڭە “زادنيم چيسلوم” ەشقانداي اتاق كەرەك ەمەس. نازارباەۆتىڭ وعان سوۆەتتەر وداعىنىڭ باتىرى اتاعىن اپەرۋى دە، توقاەۆتىڭ حالىق قاھارمانىن بەرۋى دە ورىنسىز. 2-دۇنيەجۇزىلىك سوعىستىڭ بىتكەنىنە 80 جىل ءوتتى.
باۋكەڭە ەشقانداي ۇكىمەتتىك اتاق كەرەك ەمەس. حالىقتىڭ باعاسى بۇل اتاقتىڭ بارىنەن ۇلكەن.
قايتا ۇكىمەت باۋكەڭنىڭ اتىنداعى اتاق بەلگىلەۋى كەرەك.
مىسالىعا، “كەنەسارى” دەگەن ەڭ ۇلكەن اتاقتىڭ ءبىرىن ۇلت-ازاتتىق كۇرەستىڭ بەلسەندىلەرى مەن باتىرلارىنا بەرۋ كەرەك. “اباي” وردەنى مەن اتاعىن ۇلى قالامگەرلەر مەن عالىمدارعا، ء“اليحان” وردەنى مەن اتاعىن ەلگە ەڭبەگى سىڭگەن ەرلەر مەن ءىرى قوعام قايراتكەرلەرىنە، “باۋىرجان” وردەنى مەن اتاعىن اسكەري سالانىڭ باتىرلارى مەن پاتريوتتارعا بەرسە كەرەمەت ەمەس پە؟!
نازارباەۆ پەن توقاەۆتىڭ بۇل شەشىمدەرى ەل ىشىندە الاۋىزدىق تۋعىزادى. “نەگە ابايعا اتاق بەرمەيسىڭدەر؟”، “نەگە قۇرمانعازىعا بەرمەيسىڭدەر؟” نەمەسە “نەگە ءبىزدىڭ ساتپاەۆقا بەرمەيدى؟” دەگەن داۋ تۋادى.
قورىتا ايتساق، باۋكەڭدەي ۇلى تۇلعالارعا ول ولگەن سوڭ ەلۋ جىلدان كەيىن اتاق بەرۋ دۇرىس ەمەس. باۋكەڭە ۇكىمەتتىڭ اتاعى كەرەك ەمەس، ونىڭ ءوزى اتاق-داڭق!
ۇكىمەت وزگەرىپ تۇرادى، حالىقتىڭ قۇرمەتى تۇراقتى.
