بۇگىن بويىنا كۇللى باتىر-قاھانماندارىنىڭ رۋحىن جيناعان جانە ومىرىمەن، ورلىگىمەن قازاق ازاماتىنىڭ ناعىز بەينەسىنە اينالعان باۋىرجان مومىشۇلىنىڭ تۋعان كۇنى. جىلدار جىلىستاپ وتسە دە، باۋىرجان مومىشۇلىنىڭ كەلەلى پىكىر، كەنەن ويلارى، كوزسىز ەرلىگى مەن پاراساتتى تۇلعاسى قازاقتىڭ رۋحىن بيىكتەتىپ، مەرەيىن وسىرە بەرەتىنى انىق. "ادىرنا" ۇلتتىق پورتالى قاھارماننىڭ قۇرمەتىنە باتىر باۋىرجاننىڭ قاناتتى سوزدەرىن ۇسىنادى.
* ادىلدىكتى مويىنداۋ - ادال كىسىنىڭ ءىسى.
* وپاسىزدىق - ويسىزدىق.
* قۋىس كەۋدە بولعاننان ارتىق قورقىنىش تا، قورلىق تا جوق.
* باقانىڭ باعىنان سۇڭقاردىڭ سورى ارتىق.
* نامىستى نانعا ساتپا.
* قارابەت بولىپ قاشقانشا - قايرات كورسەتىپ ولگەن ارتىق.
* ءوز ۇلتىن سىيلاماۋ، ونى ماقتانىش ەتپەۋ - ساتقىندىق.
* يمەنىپ ءجۇرىپ كورگەن يگىلىكتەن - قارسىلاسىپ ءجۇرىپ كورگەن بەينەت ارتىق.
* وتىرىكتىڭ بالىن جالاپ ءتىرى جۇرگەنشە - شىندىقتىڭ ۋىن ءىشىن ولگەن ارتىق.
* ەرلىك - ەلدىڭ قاسيەتى، جۇرەكتىلىك - جىگىتتىڭ قاسيەتى.
* ەشكىم ىشتەن باتىر بولىپ تۋمايدى: باتىرلىق تا، مىنەز سەكىلدى وسكەن ورتا، كورگەن تاربيەگە بايلانىستى قالىپتاسادى.
* باتىرلىق تاۋەكەل مەن اقىلدىڭ ەسەبىنەن شىعۋعا ءتيىس. تاۋەكەل كەيدە اقىلدى دا اقتاپ الادى. ال اقىلسىز تاۋەكەلدى ەشتەڭە دە اقتاپ الا المايدى.
* اتا-انا قادىرىن بىلمەگەن - ەل قادىرىن بىلە الماس،
ەل قادىرىن بىلمەگەن - اتا-انا قادىرىن بىلە الماس.
* دۇنيەدە بالانىڭ ۋ-شۋىنا جەتەر نە بار؟!
ودان اسقان سازدى اۋەن ويلاپ تابۋ مۇمكىن ەمەس.
* ءتىل - ۇلت قاسيەتىن ايقىندايتىن بەلگى، ۇلتتىق سالت-سانا وزەگى.
* انامىزدىڭ اق سۇتىمەن بويىمىزعا دارىعان انا ءتىلىمىزدى ۇمىتۋ - بۇكىل اتا-بابامىزدى، بار تاريحىمىزدى ۇمىتۋ.
* قازاق ءتىلى - سۇلۋلىعىمەن بوي بالقىتىپ، تامىر شىمىرلاتاتىن، جان جۇيەڭدى جاندىرىپ، قۇلاق قۇرىشىن قاندىراتىن، وتكىرلىگىمەن قىسىلتاياڭ تۇستا ەر مەن ەلگە بىردەي مەدەت بەرىپ، ادام تۇگىل جاعدايدىڭ ءوزىنىڭ اۋزىنا قۇم قۇياتىن عاجايىپ كەمەل ءتىل.
* جاقسى ءسوز جانعا - جاقىن، قۇلاققا - جاعىمدى، ويعا - قونىمدى كەلەدى.
* ءسوز جىلاتا دا، جۇباتا دا الادى.
* ءتىل تازالىعى ءۇشىن كۇرەس - ەشقاشان تولاستامايتىن ماڭگىلىك كۇرەس.
* تىلەككە - ەڭبەك تىرەك.
* تەرلەپ ەڭبەك ەتەرسىڭ - تىلەگىڭە جەتەرسىڭ.
* تاربيەلى - ءتارتىپتىڭ قۇلى،
ءتارتىپتى - ەلدىڭ قۇلى.
* قايراتىڭا - ءادىسىڭدى جولداس ەت، ادىسىڭە - اقىلىندى جولداس ەت.
* ءتارتىپسىز ەل بولمايدى، تارتىپكە باس يگەن ەل - قۇل بولمايدى.
* قايرات ەتەر كەزىندە - جۇك كوتەرەر نارداي بول،
اقىل ايتار كەزىڭدە - ءجۇز جاساعان شالداي بول.
* ىلعي التىن ىزدەمە - شوقتىڭ ءبارى وت بولماس.
* كۇنشىلدىك - وزگەنىڭ مىقتىلىعى مەن ءوزىڭنىڭ السىزدىگىندى مويىنداۋدان تۋعان قۇبىلىس.
* ەرلىك - تايسالماس تاباندىلىق پەن قايىسپاس قايسارلىقتان شىعادى.
* ءورشىل رۋحتان - ولمەس ەرلىك تۋادى.
* ءۇمىت - ورگە تارتادى، ۇمىتسىزدىك - كورگە تارتادى.
* جەرگە - تەر توگىپ، حالىققا - قان توگىپ قىزمەت ەتۋدەن تايسالما!
* بەلدەسكەننىڭ - بەلىن سىندىر، تىرەسكەننىڭ - تىزەسىن بۇكتىر.
* ەپتىلىك تە - ەرلىك.
* قولباسشى بولساڭ سونداي بول - جوسىلىپ جاتقان جولداي بول.
* وت باسىنىڭ ونەگەسى - وتان ونەگەسى.
* حالىقتىق تاجىريبە - بۇگىنگە عانا ەمەس، ەرتەڭگە دە كەرەك قازىنا.
* سۇلۋ سوزگە قۇل بولما - زەرلى وي وندا كوپ بولماس.
* ءۇمىتىن جوعالتقان جان - ەشقاشان ۇمىتتەنىپ كورمەگەن جان.
* ءتىل - ۇلت قاسيەتىن ايقىندايتىن بەلگى، ۇلتتىق سالت-سانا وزەگى.
* ءتىل - ەلدىڭ ەلدىگىنىڭ، ونىڭ عىلىمى مەن مادەنيەتىنىڭ، ونەركاسىبىنىڭ، قوعامدىق قۇرىلىسىنىڭ، سالت-ساناسىنىڭ، جاۋىنگەرلىك ءداستۇرىنىڭ، ۇلتتىق مۇراسىنىڭ قاي دارەجەدە ەكەنىن ءبىلدىرىپ تۇراتىن كورسەتكىش.
* انا تىلىمىزگە ءمان بەرمەۋشىلىك، ونى قۇرمەتتەمەۋ - شىنايى پاتريوتتار تاربيەلەۋ جۇمىسىنا ۇلكەن زيان.
* قازاق ءتىلى ەش ۋاقىتتا وزىمەن كورشى حالىقتاردىڭ تىلدەرىنەن سورلى بولىپ، قاتاردان قالماعانى، ءوز سىباعاسىن ەشكىمگە جىبەرمەگەندىگىنە مىڭ جىلدىق كونە تاريح كۋا.
"ادىرنا" ۇلتتىق پورتالى
