مەملەكەت باسشىسىنىڭ جارلىعىمەن ەكىنشى دۇنيەجۇزى سوعىسىندا ەرلىك كورسەتكەن ءۇش مايدانگەر ماراپاتتالدى دەپ حابارلايدى "ادىرنا" ۇلتتىق پورتالى akorda.kz-كە سىلتەمە جاساپ.
«1941-1945 جىلدارداعى ۇلى وتان سوعىسىندا كورسەتكەن ەرلىگى مەن قاھارماندىعى ءۇشىن جوعارى دارەجەلى ەرەكشەلىك بەلگىسى – «حالىق قاھارمانى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلسىن» دەلىنگەن جارلىقتا.
ودار:
- ابدىبەكوۆ تولەۋعالي ناسىرحانۇلى (مارقۇم) - 8-ءشى گۆارديالىق قىزىلتۋلى اتقىشتار ديۆيزياسى 302-ءشى گۆارديا اتقىشتار پولكى 2-ءشى اتقىشتار روتاسىنىڭ مەرگەنى
- نەسميانوۆ الەكساندر الەكساندروۆيچ (مارقۇم) - 126-شى گورلوۆكا قىزىلتۋلى اتقىشتار ديۆيزياسى 690-شى اتقىشتار پولكى 1-ءشى اتقىشتار باتالونىنىڭ كومانديرى
- سۇلەيمەنوۆ ىبىرايىم (مارقۇم) - 100-ءشى بولەك اتقىشتار بريگاداسى اتقىشتار باتالونى 2-ءشى بولىمشەسىنىڭ مەرگەن-باقىلاۋشىسى.
" ءسۇيىنشى! تاريحي ادىلدىك ورنادى" كەڭەس وداعىنىڭ باتىرى اتاعىنا ۇسىنىلىپ، الماعان قازاقتىڭ اتاقتى سنايپەرلەرى - ابدىبەكوۆ تولەۋعالي مەن سۇلەيمەنوۆ ىبىرايىمعا مەملەكەت باسشىسىنىڭ جارلىعىمەن «حالىق قاھارمانى» اتاعى بەرىلدى. مەرگەندىك قابىلەت قازاقتار اراسىندا ەجەلدەن بەرى وتە جوعارى باعالانعان. مۇمكىن، تەكتىلىگى، قازاق قانى ءوز ىقپالىن تيگىزگەن بولار، سوعىس جىلدارىندا جوعارى دارەجەلى سنايپەرلەر اراسىندا قازاقتار سانى از بولماعان...
وسى شايقاس ءۇشىن مانشۇك مامەتوۆا مەن ىبىرايىم سۇلەيمەنوۆ كەيىننەن كەڭەس وداعىنىڭ باتىرى اتاعىنا ۇسىنىلدى. مانشۇك مامەتوۆا باتىرى اتاعىن الدى، ىبىرايىم سۇلەيمەنوۆكە «لەنين» وردەنى بەرىلدى" ، - دەدى بەرىك ابدىعاليۇلى Facebook پاراقشاسىنا.
"ادىرنا" ۇلتتىق پورتالى
