جالپى پاۆلوداردا قىلمىس دەڭگەيى ايتارلىقتاي ازايىپ كەلەدى. بۇل تۋرالى قالا اكىمدىگىندە پروكۋراتۋرا جانە قۇقىق قورعاۋ ورگاندارى وكىلدەرىنىڭ قاتىسۋىمەن وتكەن ۆەدومستۆوارالىق كوميسسيا وتىرىسىندا ايتىلدى.
جيىندا وتكەن جىلدىڭ قورىتىندىسى بويىنشا پاۆلودار قالالىق پوليتسيا باسقارماسىنىڭباسشىسى ەسەپ بەردى. ونىڭ مالىمەتىنشە، 11 ايدىڭ ىشىندە قىلمىستىق قۇقىقبۇزۋشىلىقتار بىرقاتار كورسەتكىشتەر بويىنشا ازايعان. اتاپ ايتقاندا، جالپى قىلمىستار سانى 4,6%-عا، ال اسا اۋىر قىلمىستار 71,7%-عا قىسقارعان.
- سونىمەن قاتار، دەنساۋلىققا اۋىر زيان كەلتىرۋ فاكتىلەرى – 10,2 پايىزعا، قاراقشىلىق – 33,3پايىزعا، توناۋ – 38,3 پايىزعا، ۇرلىق – 18,2پايىزعا تومەندەدى. ونىڭ ىشىندە، پاتەر ۇرلىعى – 17,1 پايىزعا، ۇيالى تەلەفون ۇرلىعى – 31 پايىزعا، قالتا ۇرلىعى – 64,7 پايىزعا، ال كامەلەتكە تولماعانداردىڭ جىنىستىق قول سۇعىلماۋشىلىعىنا قارسى قىلمىستار 40 پايىزعاازايدى، - دەدى پاۆلودار قالالىق پوليتسيا باسقارماسىنىڭ باستىعى مالىك وڭعارباەۆ.
جيىن بارىسىندا قىلمىستاردىڭ باسىم بولىگى ماس كۇيدە جاسالاتىنى دا ايتىلدى. وسىعان بايلانىستى سپيرتتىك ىشىمدىكتەردى زاڭسىز ساتۋ دەرەكتەرىن، اسىرەسە كامەلەتكە تولماعاندارعا ساتۋدى انىقتاۋ باعىتىندا جۇيەلى جۇمىستار جۇرگىزىلىپ كەلەدى.
ءوز كەزەگىندە پاۆلودار قالاسىنىڭ پروكۋرورى ەرلان سالحانوۆ قالا اۋماعىنداعى يەسىز عيماراتتار مەن پاتەرلەرگە تولىق تالداۋ جۇرگىزۋدى ۇسىندى. مۇنداي تۇگەندەۋ قۇقىق قورعاۋ ورگاندارىنا قوعامدىق ءتارتىپتى نىسانالى تۇردە باقىلاۋعا مۇمكىندىك بەرەدى. بۇل جۇمىسقا قالا اكىمدىگىنىڭ قىزمەتكەرلەرى مەن ۋچاسكەلىك پوليتسيا ينسپەكتورلارى تارتىلاتىن بولادى.
قالا اكىمدىگىندە اتاپ وتكەندەي، 2024–2028 جىلدارعا ارنالعان قوعامدىق قاۋىپسىزدىكتى قامتاماسىز ەتۋ تۇجىرىمداماسى اياسىندا بيىل 3 جىلدىق «قاۋىپسىز قالا» جوباسى ىسكە قوسىلدى. جوبا پاۆلودار وبلىسى اۋماعىندا شامامەن 5 000 بەينەباقىلاۋ كامەراسىن جانە «مەرگەن» اپپاراتتىق-باعدارلامالىق كەشەندەرىن ورناتۋدى كوزدەيدى.
كامەرالاردى ورناتۋ جول قاۋىپسىزدىگىن جانە قوعامدىق ءتارتىپتى قامتاماسىز ەتۋگە باعىتتالعان. جوبا تەرروريستىك تۇرعىدان وسال نىسانداردى، سونداي-اق ادامدار كوپ جينالاتىن ورىنداردى قامتيدى. بۇل وزگە دە ءىرىلى-ۇساقتى قىلمىستاردىڭ الدىن الۋعا كومەكتەسەدى.
پاۆلودار قالاسىنىڭ اكىمى حاسار حابىلبەكوۆ 2026 جىلعا ارنالعان قۇقىقبۇزۋشىلىقتاردىڭ الدىن الۋ جوسپارىن بەكىتۋدى تاپسىردى. اتاپ ايتقاندا، قالا تۇرعىندارى اراسىندا قىلمىس جاساۋدىڭ سالدارى تۋرالى ءتۇسىندىرۋ جۇمىستارىن كۇشەيتۋ كوزدەلىپ وتىر.
ايتا كەتۋ كەرەك، الداعى مەرەكەلەرگە بايلانىستى پاۆلودار پوليتسەيلەرى كۇشەيتىلگەن قىزمەت رەجيمىنە كوشتى. وسى ماقساتتا جاياۋ پاترۋلدەر مەن اۆتوپاترۋلدەر سانى ارتتىرىلدى.
