قوعام بەلسەندىسى باقىتجان قۇرمانوۆ جاقىن ارادا بەرگەن سۇحباتتارىنىڭ بىرىندە قۋاندىق بيشىمباەۆتىڭ قىلمىستىق ارەكەتىنە قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
بەلسەندى باقىتجان قۇرمانوۆ “Bilgen Durys” YouTube ارناسىنا بەرگەن سۇحباتىندا قۋاندىق بيشىمباەۆتىڭ ايەلىن ولتىرۋىنە اكەسىنىڭ بەرگەن تاربيەسى كىنالى ەكەنىن ايتتى:
”بيشىمباەۆتىڭ كىناسى جوق. ونى سوتتاۋعا بولمايدى. ول جاس بالا. ونى كەزىندە ەكسپو قاراماعىندا بولعاندا ميللياردتاردى الدى دەپ ايىپتادى. بۇعان دا ونى كىنالاۋعا بولمايدى. ول ۇياسىندا نە كوردى، ۇشقاندا سونى كورسەتتى. باسقا ەشتەڭە ىستەگەن جوق. بيشىمباەۆتىڭ اكەسىن سوتتاۋ كەرەك. بيشىمباەۆتى سونداي دەڭگەيگە جەتكىزگەندەردى جازالاۋ كەرەك” دەدى ول.
ول بيشىمباەۆتىڭ جازاسىن تولىق وتەمەيتىنىن اتاپ ءوتتى.
ء“وزىڭنىڭ ءسۇيىپ العان ايەلىڭدى قياناتپەن ولتىرۋگە 6-اق جىل الۋ دەگەن… ول ەرتەڭ 3 اق جىلدان كەيىن شىعادى. ادىلدىك قايدا؟” دەپ قوستى باقىتجان مىرزا.
