فوتو: "جاسىل دامۋ"
پاۆلوداردا وبلىس اكىمى اسايىن بايحانوۆتىڭ قاتىسۋىمەن «سورتيروۆوچنىي تسەنتر» جشس-ءنىڭ قاتتى تۇرمىستىق قالدىقتاردى سۇرىپتايتىن جاڭا كەشەنى اشىلدى.
جوبا «جاسىل دامۋ» اق جانە «ونەركاسىپتى دامىتۋ قورى» اق-نىڭ قارجىلىق قولداۋىمەن ىسكە اسىرىلدى. جوبانىڭ جالپى قۇنى شامامەن 3,9 ملرد تەڭگەنى قۇرايدى. ونىڭ 2,6 ملرد تەڭگەسى كادەگە جاراتۋ تولەمدەرى ەسەبىنەن قارىزدىق قارجىلاندىرۋ تۇرىندە بەرىلدى. تاعى شامامەن 1,3 ملرد تەڭگە كاسىپورىننىڭ ءوز قاراجاتى ەسەبىنەن قارجىلاندىرىلدى.
كەشەن جىلىنا 150 مىڭ توننا قاتتى تۇرمىستىق قالدىقتى سۇرىپتاۋعا قاۋقارلى. سۇرىپتاۋ بارىسىندا قالدىقتاردان كەيىننەن قايتا وڭدەۋگە جىبەرىلەتىن قايتالاما ماتەريالدىق رەسۋرستار ءبولىنىپ الىنادى. بۇل كومۋگە جىبەرىلەتىن قالدىقتاردىڭ كولەمىن ازايتۋعا مۇمكىندىك بەرەدى. جوبا اياسىندا 116 جۇمىس ورنىن قۇرۋ كوزدەلگەن.
