گونكونگتىڭ تاي پو اۋدانىنىندا ورنالاسقان كوپقاباتتى تۇرعىن ۇيلەر كەشەنىندە ءىرى ءورت شىقتى. الدىن الا مالىمەتتەر بويىنشا، كەمىندە 13 ادام كوز جۇمعان. بۇل تۋرالى South China Morning Post باسىلىمى جازدى، دەپ حابارلايدى «ادىرنا» ءتىلشىسى.
تاعى 22 ادام جاراقات العان. شەتەلدىك باق مالىمەتىنشە، تۇرعىن ءۇي كەشەنى اۋماعىندا 31 قاباتتى سەگىز عيمارات بار. ولاردا جالپى 1,9 مىڭ پاتەر ورنالاسقان، شامامەن 4 مىڭ ادامتۇرادى. قازىرگى ۋاقىتتا كەشەندە قالپىنا كەلتىرۋ جۇمىستارى جۇرگىزىلىپ جاتقان.
تاي پو وكرۋگى كەڭەسىنىڭ مۇشەسى بەرري ميۋ سيۋ-فوننىڭ ايتۋىنشا، بارلىق عيمارات ورتكە ورانعان.
قازىرگى تاڭدا وقيعا ورنىندا 767 ءورت ءسوندىرۋشى مەن 400 پوليتسيا قىزمەتكەرى جۇمىس ىستەپ جاتىر.
South China Morning Post-تىڭ جازۋىنشا، شەكتەن تىس ىستىق اۋا رايى ءورت سوندىرۋشىلەردىڭ جۇمىسىن قيىنداتىپ وتىر. وقيعا ورنىنان 700-دەن اسا ادام ەۆاكۋاتسيالانىپ، اۋدان اكىمدىگى اشقان بەس ۋاقىتشا ورنالاستىرۋ ورتالىعىنا جەتكىزىلگەن. ازىرگە ءورتتىڭ شىعۋ سەبەپتەرى ايتىلمادى.
