بۇلتارتپاۋ شاراسى. «سامۇرىق-قازىنا» مەن قتج باسشىلارى اباقتىعا قامالدى

242
Adyrna.kz Telegram
https://adyrna.kz/storage/uploads/2PQ7zhLV2SeIoIAMDg1UqdvkcMAuinbMkEs3JQNY.jpg

سوت «سامۇرىق-قازىنا» اق باسقارما توراعاسى نۇرلان جاقىپوۆ پەن «قازاقستان تەمىر جولى» ۇك» اق باسقارما توراعاسى ەلجاس وتانشيەۆتى قاماۋعا الۋعا سانكتسيا بەردى، دەپ حابارلايدى «ادىرنا» ءتىلشىسى.

ۇلتتىق قاۋىپسىزدىك كوميتەتىنىڭ مالىمەتىنشە، كۇدىكتىلەر 12 قاراشادا سىبايلاس جەمقورلىق قىلمىسىن جاسادى دەگەن كۇدىكپەن ۇستالىپ، ۋاقىتشا ۇستاۋ يزولياتورىنا قامالعان.

«14 قاراشادا تەرگەۋ سوتىنىڭ سانكتسياسىمەن ولارعا قاتىستى قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. قازىرگى ۋاقىتتا سوتقا دەيىنگى تەرگەۋ جالعاسىپ جاتىر»، – دەلىنگەن ۇقك حابارلاماسىندا.

قر قىلمىستىق-پروتسەستىك كودەكسىنىڭ 201-بابىنا سايكەس، تەرگەۋ مۇددەسىنە بايلانىستى وزگە اقپارات جاريا ەتىلمەيدى.

ەسكە سالايىق، شەنەۋنىكتەردىڭ ۇستالعانى تۋرالى العاش بولىپ جۋرناليست ميحايل كوزاچكوۆ جازعان ەدى. سونداي-اق ول الەۋمەتتىك جەلىدە اقش دوللارىنا ۇقساس بانكنوتتاردىڭ ۆيدەوسىن جاريالادى. ءجۋرناليستىڭ بولجامىنشا، اقشا سالىنعان چەموداندى كۇدىكتىلەردىڭ ءبىرىنىڭ جۇبايى تەرەزەدەن لاقتىرۋى مۇمكىن.

كەيىن ۇلتتىق قاۋىپسىزدىك كوميتەتى نۇرلان جاقىپوۆ، ەلجاس وتانشيەۆ جانە وزگە دە كۇدىكتىلەردىڭ 11 قاراشادا ۇستالعانىن راستادى.

13 قاراشادا پرەزيدەنت قاسىم-جومارت توقاەۆ باسشىلاردىڭ ۇستالۋىن مەملەكەتتىك كومپانيالارداعى سىبايلاس جەمقورلىققا قاتىستى الاڭداتارلىق بەلگى دەپ اتادى.

پىكىرلەر