اباي وبلىسىندا ءۇش ستۋدەنت قازا تاپقان جول-كولىك وقيعاسى تۋرالى جاڭا مالىمەتتەر پايدا بولدى، دەپ حابارلايدى «ادىرنا» ءتىلشىسى.
قازا تاپقانداردىڭ ءبىرى 19 جاستاعى ارالاس جەكپە-جەكتەن ازيا چەمپيونى، قازاقستان قۇراماسىنىڭ مۇشەسى نۇرماعامبەت تۇراربەكوۆ ەكەنى انىقتالدى. ول استانادا وتكەن ازيا چەمپيوناتىنا قاتىسقاننان كەيىن كوماندالاستارىمەن بىرگە سەمەي قالاسىنا قايتىپ بارا جاتقان.
Alikhan Bokeikhan University مالىمەتىنشە، ستۋدەنتتەر رەسمي شاقىرۋ نەگىزىندە چەمپيوناتقا جىبەرىلگەن.
«ازيا چەمپيوناتىنا شاقىرۋ العاننان كەيىن ءبىز ستۋدەنتتەردى ساباقتان بوساتىپ، جارىسقا قاتىسۋعا رۇقسات بەردىك. وكىنىشكە قاراي، ءىس-شارادان كەيىن وسىنداي قايعىلى وقيعا بولدى. ولار وقۋ مەن سپورتتى ويداعىداي ۇشتاستىرعان ىنتالى جاستار ەدى»،— دەدى ۋنيۆەرسيتەت پرورەكتورى ازامات ازاتوۆ.
ەسكە سالايىق، جول اپاتى 2 قاراشا كۇنى بەسقاراعاي اۋدانى، جىلاندى اۋىلىنىڭ ماڭىندا بولعان ەدى. ومبى-مايقاپشاعاي اۆتوجولىندا Toyota Avensis جەڭىل اۆتوكولىگى مەن Howa جۇك كولىگى ءبىر-بىرىنە سوعىلىپ، ءۇش ادام قازا تاپقان بولاتىە.
