بۇگىن، 16 قاراشادا قۇرىلتاي دەپۋتاتى يۋري لي ۇكىمەت ساعاتىندا سۋ ايدىندارىنداعى بالالاردىڭ قاۋىپسىزدىگى ماسەلەسىن كوتەردى، دەپ حابارلايدى «ادىرنا» ءتىلشىسى.
«بيىلعى جىلدىڭ 10 ايىندا سۋ ايدىندارىندا بالالاردىڭ قازا بولۋىنا بايلانىستى 47 وقيعا تىركەلگەن. وتكەن جىلدىڭ سايكەس كەزەڭىندە بۇل كورسەتكىش 46 بولعان. قايعىلى جاعدايلاردىڭ باسىم بولىگى شومىلۋعا ارنالماعان ورىنداردا بولادى»، – دەدى دەپۋتات.
سونداي-اق ول حالىقارالىق تاجىريبەدە بالالاردىڭ سۋعا كەتۋىنىڭ الدىن الۋ ءۇشىن ولاردى جۇيەلى تۇردە جۇزۋگە ۇيرەتۋ، شومىلۋ مەن دەمالۋعا ارنالعان ارنايى قاۋىپسىز ورىندار ۇيىمداستىرۋ شارالارى قاراستىرىلعانىن اتاپ ءوتتى.
توتەنشە جاعدايلار ۆيتسە-ءمينيسترى كەگەن تۇرسىنباەۆ سۋ ايدىندارىندا 47 بالانىڭ قازا تاپقانىن راستادى. ول بالالاردىڭ ەرەسەكتەردىڭ قاراۋىنسىز سۋعا ءتۇسۋى اسا قاۋىپتى ەكەنىن ەسكەرتتى.
«وقيعالاردىڭ شامامەن 85 پايىزى ەرەسەكتەردىڭ نەمەسە اتا-انالاردىڭ بالالاردى قاراۋسىز قالدىرۋى سالدارىنان بولادى. بۇل باعىتتا دا ءتيىستى جۇمىستار جۇرگىزىلىپ جاتىر»، – دەدى ۆيتسە-مينيستر.
