سۋرەت: ۋيكيپەديا
الماتىدا ءال-فارابي اتىنداعى قازۇۋ-دىڭ 1-كۋرس ستۋدەنتى قازا بولدى. اقپاراتتى جوو-نىڭ ءباسپاسوز قىزمەتى راستادى، دەپ حابارلايدى «ادىرنا» ءتىلشىسى.
ء«ال-فارابي اتىنداعى قازاق ۇلتتىق ۋنيۆەرسيتەتىنىڭ ۇجىمى گەوگرافيا جانە تابيعاتتى پايدالانۋ فاكۋلتەتىنىڭ ءبىرىنشى كۋرس ستۋدەنتىنىڭ مەزگىلسىز قايتىس بولۋىنا بايلانىستى اتا-اناسىنا، تۋعان-تۋىستارى مەن جاقىندارىنا قايعىرىپ كوڭىل ايتادى»،– دەلىنگەن حابارلامادا.
سونداي-اق وقۋ ورنى ستۋدەنتتىڭ وتباسىنا ماتەريالدىق جانە مورالدىق قولداۋ كورسەتەتىنىن مالىمدەدى. ۋنيۆەرسيتەت اكىمشىلىگى بولعان وقيعانىڭ ءمان-جايىن انىقتاۋ ءۇشىن قۇقىق قورعاۋ ورگاندارىنا كومەكتەسىپ جاتقانىن جەتكىزدى.
پوليتسيا اتالعان فاكتى بويىنشا قىلمىستىق ءىس قوزعاعان.
«كۇدىكتى ۇستالدى. قازىرگى ۋاقىتتا تەرگەۋدىڭ تولىقتىعىن، جان-جاقتىلىعىن جانە وبەكتيۆتىلىگىن قامتاماسىز ەتۋگە باعىتتالعان كەشەندى تەرگەۋ امالدارى جۇرگىزىلىپ جاتىر»، – دەلىنگەن حابارلامادا.
ەسكە سالايىق، 6 قاراشادا جۋرناليستيكا فاكۋلتەتىنىڭ ءبىرىنشى كۋرس ستۋدەنتى ومىردەن وزعان ەدى. اتالعان وقيعاعا بايلانىستى پوليتسيا قىلمىستىق ءىس قوزعاعان.
عىلىم جانە جوعارى ءبىلىم ءمينيسترى قازۇۋ-دىڭ قىلمىستىق-پروتسەستىك كودەكس نورمالارىنا بايلانىستى بۇل ىسكە قاتىستى اقپارات تاراتا المايتىنىن تۇسىندىرگەن بولاتىن. مينيسترلىك وكىلدەرى قىزدىڭ قامقورشىلارىمەن بايلانىسقا شىققان. ال قاجەتتى شىعىنداردىڭ بارلىعىن ۋنيۆەرسيتەت ءوز موينىنا العان.
