بۇگىن، 14 قاڭتاردا تايلاندتا قۇرىلىس كرانى جولاۋشىلار پويىزىنا قۇلاپ، قازا تاپقاندار سانى 22 ادامعا جەتتى. تاعى 55 جولاۋشى جاراقات الدى، دەپ حابارلايدى «ادىرنا» ءتىلشىسى Khaosod باسىلىمىنا سىلتەمە جاساپ.
اپات ناكحونراتچاسيما پروۆينتسياسىنىڭ سيكحيو اۋدانىندا بولعان. جوعارى جىلدامدىقتى تەمىرجول قۇرىلىسىنا تارتىلعان قۇرىلىس كرانى بانگكوكتان ۋبونراتچاتاني پروۆينتسياسىنا بەت العان پويىزدىڭ ۇستىنە قۇلاعان. كۋاگەرلەر مەن جۇمىسشىلاردىڭ ايتۋىنشا، كران پويىز جاقىنداپ قالعان ساتتە قۇلاپ، ونىڭ ارقانى لوكوموتيۆكە ءىلىنىپ كەتكەن. سونىڭ سالدارىنان ۆاگوندار رەلستەن شىعىپ كەتكەن.
ەكىنشى جانە ءۇشىنشى ۆاگوندار قاتتى زاقىمدانعان. كەيبىر ادامدار سول ۆاگونداردىڭ ىشىندە قامالىپ قالعان. The Thaiger باسىلىمى كراننىڭ قۇلاۋ سەبەپتەرىن انىقتاۋ بويىنشا تەرگەۋ جالعاسىپ جاتقانىن جازدى.
ايتا كەتەيىك، پويىزدا بارلىعى 190 ادام بولعان.
