جيىنعا قالا اكىمىنىڭ قۇرىلىس جانە ساۋلەت سالاسىنا جەتەكشىلىك ەتەتىن ورىنباسارلارى، وبلىستىق جانە قالالىق باسقارما، ءبولىم باسشىلارى، ساۋلەتشىلەر، جوبالاۋشى ۇيىم وكىلدەرى مەن ينۆەستورلار قاتىستى.
ماجىلىستە قالا اۋماعىنداعى قۇرىلىس جانە ساۋلەت جوبالارىنا قاتىستى 10 وزەكتى ماسەلە تالقىلاندى. اتاپ ايتقاندا، 5 قاباتتى 8 بلوكتان تۇراتىن تۇرعىن ءۇي كەشەنى، كوممەرتسيالىق نىساندار، قوناق ۇيلەر قۇرىلىسى، مەيرامحانا مەن SPA ورتالىعى، جيھاز سالونى جانە اسحانالار جوبالارى تالقىلاندى. سونىمەن قاتار، قالاداعى رامىزدەر الاڭىن جانداندىرۋ ماسەلەسى دە كەڭەس مۇشەلەرىنىڭ نازارىندا بولدى.
سونداي-اق، ءماجىلىس بارىسىندا «Turan» ارنايى ەكونوميكالىق ايماعى» اق توراعاسىنىڭ مىندەتىن اتقارۋشى نۇرلان سەرىكقاليۇلى، قالالىق ساۋلەت ءبولىمىنىڭ باسشىسى مۇحيت قادىرۇلى بايانداما جاسادى.
جيىن سوڭىندا ءتيىستى شەشىمدەر قابىلدانىپ، ۇسىنىستار تالقىلاندى. الداعى ۋاقىتتا دا قالا دامۋى مەن ساۋلەتتىك كەلبەتىن ۇيلەسىمدى ەتۋگە باعىتتالعان جۇمىستار قارقىندى جالعاساتىن بولادى.
ۇقساس جاڭالىقتار
