ەلىمىزدەگى العاشقى اەس-ءتىڭ بەلسەندى قۇرىلىسى 2027 جىلى باستالادى. بۇل تۋرالى اتوم ەنەرگياسى جونىندەگى اگەنتتىگىنىڭ رەسمي وكىلى شىڭعىس ءىلياسوۆ مالىمدەدى، دەپ حابارلايدى «ادىرنا» ءتىلشىسى.
ايتۋىنشا، رەسەي پرەزيدەنتى ۆلاديمير ءپۋتيننىڭ قازىرگى مەملەكەتتىك ساپارى اياسىندا قازاقستان مەن رەسەي قازاقستانداعى العاشقى اەس قۇرىلىسىنا قاتىستى ۇكىمەتارالىق ەكى كەلىسىمگە قول قويۋدى جوسپارلاپ وتىر. ونىڭ ءبىرى — اەس-ءتىڭ تىكەلەي قۇرىلىسىنا، ەكىنشىسى — جوبانىڭ قارجىلىق ماسەلەلەرىنە قاتىستى قۇجات.
بۇعان دەيىن «روساتوم» باسشىسى الەكسەي ليحاچەۆ بىرقاتار باق-قا بەرگەن سۇحباتىندا اەس 2030 جىلداردىڭ ورتاسىندا ىسكە قوسىلاتىنىن، ستانتسيا كەزەڭ-كەزەڭىمەن پايدالانۋعا بەرىلەتىنىن مالىمدەگەن ەدى.
ەسكە سالايىق، ەلىمىزدەگى العاشقى اەس «بالقاش» دەپ اتالاتىن بولدى.
ۇقساس جاڭالىقتار
