قولىندا ديپلومى جوق قازاق بالاسى ءۇش قۇرىلىس كومپانياسىندا ينجەنەر-گەودەزيست بولىپ جۇمىس ىستەپ ءجۇر
وسىدان ءبىراز ۋاقىت بۇرىن ءبىر قۇرىلىس كومپانياسىندا ينجەنەر-گەودەزيست بولىپ ەرقانات دەگەن جىگىت جۇمىس ىستەدى.
سۇراستىرا كەلە، ەرقاناتتىڭ ارنايى وقىعان ماماندىعى دا، ديپلومى دا جوق بولىپ شىقتى. مەن ودان ديپلومسىز قالاي ىستەپ ءجۇرسىڭ دەپ سۇرادىم. الدىندا ءبىر كومپانيادا قاراپايىم جۇمىس ىستەپ، ينجەنەرلىككە قىزىقتىم، سودان وسى جۇمىستى پراكتيكالىق تۇردە باستاپ كەتتىم. قازىر گەودەزيانىڭ بارلىق جۇمىسىن ۇيرەنىپ الدىم. ءبىر ەمەس، ءۇش كومپانيادا گەودەزيست بولىپ جۇمىس ىستەيمىن دەدىم. ءدااااا، دەدىم ىشىمنەن.
گەودەزيستتىڭ جۇمىسى وتە جاۋاپتى ينجەنەرلىك جۇمىس. قاتە كەتسەڭ باسىڭمەن جاۋاپ بەرەسىڭ. سەبەبى، سەن شىعارىپ بەرگەن ەسەپتەر بويىنشا عيماراتتىڭ نەگىزى قالانادى.
نەگىزى العىر، دارىندى ادامعا ديپلوم كەرەك ەمەس. العىر، ميى جاقسى جۇمىس ىستەيتىن ادامنىڭ ديپلومسىز-اق يگەرىپ الاتىنىن تالاي كوردىم. نەگىزى دامىعان، وركەنيەتتى اقش، ەۋروپا ەلدەرىندە سەنىڭ قولىڭداعى ءبىر پاراق قاعازىڭا قارامايدى. باسىڭدا مي جاقسى جۇمىس ىستەسە، سەنىڭ ءبىر پاراعىڭنىڭ ولارعا تۇك تە كەرەگى جوق. سوندىقتان ولار پراكتيكانىڭ ادامدارىن جۇمىسقا جەدەل الادى.
ءبىز تەوريانى دا، پراكتيكانى دا ۇشتاستىرىپ ۇيرەندىك. ال، مىناۋ قازاقتىڭ قارا بالاسى تەوريانى وقىماي-اق، ديپلومدى قولىنا الماي-اق، ينجەنەرلىك پراكتيكانى وپەراتيۆتى تۇردە جۇزەگە اسىرىپ ءجۇر. قازاقتىڭ تالاي ءبىلىمدى، مىقتى جىگىتتەرىنە قولداۋ بولماي ءجۇر. قولداۋ بولسا، قاراجاتى بولسا، جاڭا قازاقستان قۇرىلاتىن ەدى. نەگىزى قازاقتىڭ بالاسى ەرەكشە دارىندى بولىپ كەلەدى.
بەكبولات قارجان،
"ادىرنا" ۇلتتىق پورتالى
