وسى جولداردىڭ 430,1 شاقىرىمى نەمەسە 50,3 پايىزى جاقسى جانە قاناعاتتانارلىق جاعدايدا بولسا، 419,9 شاقىرىمى نەمەسە 49,7 پايىزى قيىرشىق تاستى جولدار ساناتىنا جاتادى.
بيىلعى جوسپار اياسىندا ۇزىندىعى 138,5 شاقىرىمدى قۇرايتىن 159 كوشەگە ورتاشا جوندەۋ جۇمىستارىن جۇرگىزۋ جوسپارلانعان. بۇل جۇمىستاردىڭ ناتيجەسىندە جاقسى جانە قاناعاتتى جاعدايداعى جولداردىڭ ۇلەسى 66,7 پايىزعا دەيىن ارتادى دەپ كۇتىلۋدە.
جوندەۋ جۇمىستارى نەگىزىنەن قالانىڭ ينفراقۇرىلىم جۇيەلەرى تولىق اياقتالعان شاۋعار، ياسسى، وتىرار جانە بەكزات تۇرعىن الاپتارىندا جۇرگىزىلەدى.
ورتاشا جوندەۋ بارىسىندا كوشەلەرگە ەكى قاباتتى اسفالت جابىندىسى توسەلىپ، جول جيەكتەرى، اياقجولدار، مۇمكىندىگىنشە ۆەلوجولدار مەن جاڭبىر سۋاعار جۇيەلەرى ورناتىلادى. جوندەلەتىن كوشەلەردىڭ باسىم بولىگى قالانىڭ تاريحي، ياعني ەسكى بولىگىندە ورنالاسقان.
اتاپ ايتقاندا، تاۋكە حان، ءال-فارابي، ناۋرىزىم كوشەلەرى تولىقتاي جاڭارتىلىپ، پايدالانۋعا بەرىلدى. سونىمەن قاتار، قازىرگى ۋاقىتتا س.جاندوسوۆ كوشەسىن كەڭەيتۋ جانە قايتا جاڭعىرتۋ جۇمىستارى جۇرگىزىلۋدە.
ماسەلەن، تاۋكە حان كوشەسىندە ۇزىندىعى 5,1 شاقىرىمدى قۇرايتىن اسفالت قاباتى جاڭارتىلىپ، جول ءبولۋ تاڭبالارى تولىقتاي قايتا سىزىلدى. ءال-فارابي كوشەسىنىڭ 1,8 شاقىرىمىنا اسفالت توسەلىپ، جاياۋ جۇرگىنشىلەر جولى مەن جاڭبىر سۋاعار جۇيەلەرى سالىندى. ال جانگەلدين كوشەسىندە 3,75 شاقىرىم اۋماققا اۋىر جۇك كولىكتەرىنىڭ ءجۇرىپ-تۇرۋىنا بەيىمدەلگەن اسفالت جابىندىسى توسەلىپ، اياقجول، ۆەلوجول جانە سۋ اعاتىن ارىقتارمەن قامتىلدى.
ۇقساس جاڭالىقتار
