شىعىس قازاقستان وبلىسىندا قۇرىلىس جۇمىستارى كەزىندە تراكتور ترانشەياعا اۋدارىلىپ، جۇرگىزۋشى قازا تاپتى، دەپ حابارلايدى "ادىرنا" ۇلتتىق پورتالى.
وقيعا ۇلان اۋدانىنا قاراستى بوزانباي اۋىلىندا بولعان. 1981 جىلى تۋعان مارقۇمنىڭ ارتىندا ءتورت بالاسى قالعانى بەلگىلى.
قايعىلى جاعدايدان كەيىن وقيعا ورنىنا شىعىس قازاقستان وبلىسىنىڭ اكىمى، مەملەكەتتىك ەڭبەك ينسپەكتسياسىنىڭ باسشىسى جانە ۇلان اۋدانىنىڭ اكىمى بارعان.
"مۇنداي جاعدايلارعا بەي-جاي قاراۋعا بولمايدى. بولعان وقيعانىڭ ناقتى سەبەپتەرى انىقتالۋى ءتيىس. ەڭبەك قاۋىپسىزدىگى – ءبىزدىڭ ءسوزسىز باسىمدىعىمىز", — دەدى وبلىس اكىمى.
وبلىس اكىمى «تم تەپلومير» جشس-ءنىڭ سۋ قۇبىرى جەلىلەرىن سالۋ جۇمىستارىنا بايلانىستى جان-جاقتى تەرگەۋ جۇرگىزۋدى تاپسىردى. ەگەر ەڭبەك قاۋىپسىزدىگى تالاپتارىنىڭ بۇزىلعانى دالەلدەنسە، كىنالىلەر زاڭ اياسىندا جاۋاپقا تارتىلادى.
سونىمەن قاتار، ءوڭىر باسشىسى ۇلان اۋدانىنىڭ اكىمىنە مارقۇمنىڭ وتباسىنا بارلىق قاجەتتى كومەك كورسەتۋدى مىندەتتەدى.
