الماتىدا ەلەكتروساموكات مىنگەن 44 جاستاعى ەر ادام جول-كولىك وقيعاسىنان قازا تاپتى. بۇل تۋرالى الماتى قالاسى پوليتسيا دەپارتامەنتى مالىمدەدى، دەپ حابارلايدى “ادىرنا”.
الدىن الا مالىمەت بويىنشا، قايعىلى جاعداي تۇنگى ۋاقىتتا بولعان. ەر ادام ەلەكتروساموكاتپەن كەلە جاتىپ، جول جيەگىندەگى جيەكتاسقا سوعىلىپ، اۋىر جاراقات العان.
وقيعا ورنىنا جەدەل جاردەم قىزمەتى شاقىرىلعان. الايدا مەديتسينا ماماندارى زارداپ شەككەن ادامنىڭ ءومىرىن ساقتاپ قالا المادى.
پوليتسيانىڭ مالىمەتىنشە، ەر ادام وقيعا كەزىندە شلەم جانە وزگە دە قورعانىس قۇرالدارىن پايدالانباعان.
قازىرگى ۋاقىتتا قۇقىق قورعاۋ ورگاندارى وقيعانىڭ بارلىق ءمان-جايىن انىقتاپ جاتىر. اپاتتىڭ ناقتى سەبەپتەرى جۇرگىزىلىپ جاتقان تەكسەرۋ ناتيجەسىندە بەلگىلى بولادى.
ۇقساس جاڭالىقتار
