سولتۇستىك قازاقستان وبلىسىنىڭ سەرگەەۆكا قالاسىندا “كاماز” اۆتوكولىگىنىڭ دوڭگەلەگى جارىلىپ، ەر ادام قازا تاپتى، دەپ حابارلايدى “ادىرنا” ۇلتتىق پورتالى.
وقيعا 60 جاستاعى جۇرگىزۋشىنىڭ اۆتوكولىگىنىڭ دوڭگەلەگىنە اۋا تولتىرۋ كەزىندە ورىن العان.
وبلىستىق پوليتسيا دەپارتامەنتىنىڭ مالىمەتىنشە، جوعارى قىسىمنان دوڭگەلەك جارىلىپ كەتكەن. سالدارىنان جۇرگىزۋشى وقيعا ورنىندا اشىق باس-مي جاراقاتىنان كوز جۇمعان. جەدەل جاردەم قىزمەتكەرلەرى ەر ادامنىڭ ءولىمىن عانا تىركەگەن.
اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا وقيعانىڭ بارلىق ءمان-جايىن انىقتاۋ ءۇشىن تەرگەۋ جۇرگىزىلىپ جاتىر.
ۇقساس جاڭالىقتار
