باق قىزمەتكەرلەرىنە پرەزيدەنت سىيلىعى مەن گرانتى تابىستالدى

پرەزيدەنت قاسىم-جومارت توقاەۆ وتاندىق جۋرناليستيكا سالاسىنىڭ دامۋىنا ەلەۋلى ۇلەس قوسقان ءبىر توپ ازاماتتى مەملەكەتتىك ناگرادالارمەن ماراپاتتادى، دەپ حابارلايدى “ادىرنا”.

مەملەكەت باسشىسىنىڭ 2025 جىلعى 24 ماۋسىمداعى №226 وكىمىمەن

قازاقستان رەسپۋبليكاسى پرەزيدەنتىنىڭ باق سالاسىنداعى سىيلىعى:

1. Egemen Qazaqstan گازەتى باس رەداكتورىنىڭ ورىنباسارى – تالعات سادىقۇلى باتىرحانعا;

2. "ايقىن-ليتەر" جاۋاپكەرشىلىگى شەكتەۋلى سەرىكتەستىگىنىڭ ديرەكتورى – تالعات ەشەنۇلى قىرىقباەۆقا; 

3. "كازاحستانسكايا پراۆدا" گازەتىنىڭ ءبولىم رەداكتورى – يۋليا دميتريەۆنا ماگەرگە;

 4. Qazaqstan ۇلتتىق تەلەارناسىنىڭ شەف-رەداكتورى  – ارمانگۇل توقتامۇراتقا بەرىلدى.

قازاقستان رەسپۋبليكاسى پرەزيدەنتىنىڭ باق سالاسىنداعى گرانتى:

1. Kokshe تەلەارناسىنىڭ  شەف-رەداكتورى – زارينا ومىرعاليقىزى بەكقاليەۆاعا; 

2. Jibek Joly / Silk Way تەلەارناسىنىڭ ءتىلشىسى – كۇنسايا قۇرمەت-راحيموۆاعا;

3. Abay Live YouTube-ارناسىنىڭ اۆتورى جانە جۇرگىزۋشىسى – اباي سەيفۋللاۇلى تىلەنشيەۆكە;

4. تengrinewskz سايتىنىڭ ءتىلشىسى – الينا الەكساندروۆنا شاشكيناعا تاپسىرىلدى;  

قازاقستان رەسپۋبليكاسى پرەزيدەنتىنىڭ باق سالاسىنداعى العىسى:

1. Ana tili گازەتىنىڭ شىعارماشىلىق ۇجىمىنا;

2. BALAPAN تەلەارناسىنىڭ شىعارماشىلىق ۇجىمىنا;

3. Soltustik Qazaqstan گازەتىنىڭ شىعارماشىلىق ۇجىمىنا;

4. "حابار" اگەنتتىگى" اكتسيونەرلىك قوعامىنىڭ ۇجىمىنا جاريالاندى.

ءىس-شارادا جۋرناليستيكا سالاسىنىڭ ارداگەرى شارحان قازىعۇل، "كازاحستانسكايا پراۆدا" گازەتىنىڭ ءبولىم مەڭگەرۋشىسى يۋليا ماگەر جانە "حابار" تەلەارناسىنىڭ جۇرگىزۋشىسى گۇلنازيا زاريپوۆا ءسوز سويلەدى.

مەملەكەت باسشىسى باق سالاسى قىزمەتكەرلەرىن ماراپاتتاۋ راسىمىنە قاتىسۋشىلارمەن بىرگە سۋرەتكە ءتۇستى.