مەديتسينا قىزمەتكەرلەرى كۇنى قارساڭىندا اقتاۋداعى Asiakoz International Hospital كلينيكاسى تاعى ءبىر ماڭىزدى جەتىستىككە قول جەتكىزدى. كلينيكانىڭ باس دارىگەرى، لور-حيرۋرگ، ەرەسەكتەر مەن بالالار وتورينولارينگولوگ دارىگەرى، سۋردولوگ بەيبىتوۆا اياگوز شوقانقىزى «جىل جەتىستىگى - 2026» نوميناتسياسىمەن ماراپاتتالدى.
بۇل ماراپات ءبىر دارىگەردىڭ عانا ەمەس، قىسقا ۋاقىت ىشىندە وڭىردەگى مامانداندىرىلعان مەديتسينانىڭ جاڭا دەڭگەيىن قالىپتاستىرعان Asiakoz International Hospital ۇجىمىنىڭ كاسىبي جۇمىسىنا بەرىلگەن جوعارى باعا دەۋگە بولادى.
كلينيكا جۇمىسىن باستاعانىنا نەبارى توعىز اي وتسە دە، وسى ۋاقىت ىشىندە ماڭعىستاۋ وبلىسىنداعى جەتەكشى كوز جانە لور ورتالىقتارىنىڭ بىرىنە اينالدى. بۇعان دەيىن تۇرعىندار باسقا قالالار مەن شەتەلگە بارىپ جاساتۋعا ءماجبۇر بولعان كوپتەگەن جوعارى تەحنولوگيالىق كوز جانە لور وپەراتسيالارى بۇگىندە اقتاۋدا ءساتتى ورىندالۋدا.
بۇگىندە كلينيكادا 1500-دەن استام وپەراتسيا جاسالدى. بۇل كورسەتكىش تۇرعىنداردىڭ مەديتسينالىق ۇيىمعا دەگەن سەنىمى مەن كورسەتىلەتىن قىزمەت ساپاسىنىڭ ايقىن دالەلى.
Asiakoz International Hospital-دىڭ باستى ەرەكشەلىگى - حالىقارالىق تاجىريبەنى وڭىرگە اكەلۋى. مۇندا تۇركيانىڭ وفتالمولوگيا سالاسىنداعى جەتەكشى حيرۋرگتەرى مەن قازاقستاننىڭ تاجىريبەلى لور ماماندارى قىزمەت اتقارادى. زاماناۋي مەديتسينالىق تەحنولوگيالار مەن حالىقارالىق ەمدەۋ ستاندارتتارىنىڭ ەنگىزىلۋى ماڭعىستاۋ تۇرعىندارىنا بۇرىن قولجەتىمسىز بولعان كۇردەلى وپەراتسيالاردى ءوز وڭىرىندە جاساۋعا مۇمكىندىك بەردى.
كلينيكا اشىلعان كۇننەن باستاپ كوزدىڭ كاتاراكتاسى، گلاۋكوماسى، تورقابىق پاتولوگيالارى بويىنشا كۇردەلى وفتالمولوگيالىق وپەراتسيالارمەن قاتار، ەستۋ قابىلەتىن قالپىنا كەلتىرۋگە، مۇرىن قۋىسى مەن قۇلاق اۋرۋلارىن ەمدەۋگە باعىتتالعان جوعارى تەحنولوگيالىق لور وپەراتسيالارى تۇراقتى تۇردە ورىندالىپ كەلەدى.
مەديتسينا قىزمەتكەرلەرى كۇنى قارساڭىنداعى بۇل ماراپات Asiakoz International Hospital ۇجىمىنىڭ كاسىبي دەڭگەيى مەن ءوڭىر تۇرعىندارىنا كورسەتىپ وتىرعان ساپالى مەديتسينالىق قىزمەتىنىڭ تاعى ءبىر دالەلى بولدى.
كلينيكا الداعى ۋاقىتتا دا حالىقارالىق تاجىريبەنى ەنگىزىپ، مەديتسينالىق كومەكتىڭ ساپاسىن ارتتىرۋ جانە ماڭعىستاۋ تۇرعىندارىنا الەمدىك دەڭگەيدەگى ەمدى تۋعان ولكەسىندە قولجەتىمدى ەتۋ باعىتىنداعى جۇمىسىن جالعاستىرماق.
