Oi Qaragai دەمالىس كەشەنىندە قالامىن قارۋ ەتكەن جۋرناليستەر سپورتىق سايىسقا ءتۇسىپ، ەپتىلىك پەن شاپشاڭدىق تانىتتى. Prosports.kz رەداكتسياسىنىڭ جۋرناليستەرى بايىپتى دايىندىعىمەن ەستە قالدى، "تەنگرينيۋس " العان اسەرىمەن ءبولىسىپ، ەرەكشە تولقىدى. "قازاقپارات " مايتالماندارى سىرعاناۋدىڭ سىرلى ورنەگىن سىزىپ، كوپتىڭ ىقىلاسىنا بولەنسە، ال "ۆرەميا"-لىقتار ورنىقتىلىق پەن شەبەرلىكتىڭ ۇلگىسىن كورسەتتى.
قازاق مەدياسىنىڭ 30-دان استام وكىلى باس قوسىپ، جۋرناليستەر اراسىندا تاۋ شاڭعىسى بويىنشا قازاقستان كۋبوگىن تالاسقا سالدى. Oi Qaragai وتباسىلىق تاۋ كۋرورتىنداعى شۋاقتى دەمالىس كۇنى ەرەكشە بولدى ءارى كوپشىلىكتىڭ ەسىندە قالدى. سەبەبى، سايىس ءۇشىن 30 جىل بويى شاڭعى تەپكەن كاسىبي سپورتشىلار دا، وتكەن جىلى عانا شاڭعى تەبۋگە دەن قويعان ورەندەر دە ورتادان تابىلدى.
تارتىسقا تولى سايىستىڭ ناتيجەلەرى بويىنشا ەگور ەرلەر اراسىندا ءبىرىنشى ورىندى يەلەندى. ەكىنشى جانە ءۇشىنشى ورىن ۆلاديمير پروكوپەنكوعا (Tengrinews.kz) جانە اندرەي كۋكۋشكينگە ("ينفورمرەسۋرس"اگەنتتىگى) بۇيىردى.
ارۋلار اراسىندا شتاتتان تىس جۋرناليست اناستاسيا ناۋمەتسكايا توپ جارىپ، ناتاليا كاچالوۆا كۇمىس مەدال ("كۋرسيۆ" گازەتى), ال قولا مەدال "ۆرەميا"گازەتىنىڭ ءجۋرناليسى يرينا باجەنوۆانىڭ قانجىعاسىنا بايلاندى.
"ادىرنا" ۇلتتىق پورتالى
