قر دەنساۋلىق ساقتاۋ ءمينيسترى اجار عينيات قازاقستاندا تۇسىك جاساتۋعا زاڭمەن تىيىم سالۋ ماسەلەسى تالقىلانباي جاتقانىن ايتتى، - دەپ حابارلايدى "ادىرنا" ءتىلشىسى.
«ءبىزدىڭ ەلىمىزدەگى دەنساۋلىق ساقتاۋ جۇيەسى تۋرالى كودەكستە ايەلدىڭ رەپرودۋكتيۆتى قۇقىقتارى بار.ياعني، بالاسىنىڭ تۋى مەن تۋماۋىن ايەل ءوزى شەشەدى جانە جوسپارلايدى. سوندىقتان ءبىزدىڭ ەلىمىزدە تۇسىك جاساتۋعا تىيىم سالاتىن نورمالار جوق جانە ازىرگە ولار زاڭ جۇزىندە قاراستىرىلماعان»، - دەپ ءتۇسىندىردى اجار عينيات ورتالىق كوممۋنيكاتسيالار قىزمەتىندە وتكەن بريفينگتە.
ۆەدومستۆو باسشىسىنىڭ ايتۋىنشا، ەلىمىزدە سوڭعى بەس جىلدا قالاۋسىز جۇكتىلىكتى توقتاتۋدىڭ كۇرت ءوسۋى بايقالماعان.
"جۇكتىلىكتى توقتاتپاۋ تۋرالى مەديتسينالىق، الەۋمەتتىك كورسەتكىشتەر بار. سوندىقتان تۇسىك تاستاۋعا بايلانىستى بارلىق مەديتسينالىق ارالاسۋلار پەريناتالدىق ورتالىقتار دەڭگەيىندە كوميسسيالىق نەگىزدە جۇرگىزىلەدى، دارىگەرلەرمەن تالقىلانادى»، - دەپ قوستى اجار عينيات.
