دەنساۋلىق ساقتاۋ ءمينيسترى الەكسەي تسوي سوڭعى ەكى اپتا كولەمىندە قازاقستاندا ىندەتتىڭ تارالۋى 35%-عا تومەندەگەنىن مالىمدەدى، دەپ حابارلايدى "ادىرنا" ۇلتتىق پورتالى
- وتكەن اپتادا قازاقستاندا اۋرۋشاڭدىق دەڭگەيى 14%-عا تومەندەدى، بىردەن 31 مىڭ ادامنان 25 مىڭعا دەيىن قىسقاردى. اۋرۋدىڭ تۇراقتى تومەندەۋى بايقالادى", – دەدى مينيستر ۇكىمەت وتىرىسىندا.
سونداي-اق، مينيستر اۋرۋدىڭ وڭ ديناميكاسى ەپيدەميولوگيالىق جاعدايدى باعالاۋ ماتريتساسىندا كورسەتىلگەنىن اتاپ ءوتتى.
سوڭعى ەكى اپتادا رەسپۋبليكانىڭ 5 وبلىسى «قىزىل» ايماقتان «سارى» ايماققا كوشتى، ولار: شىعىس قازاقستان، جامبىل، قىزىلوردا، باتىس قازاقستان جانە سولتۇستىك قازاقستان وبلىستارى. تۇركىستان وبلىسى «جاسىل» ايماقتا ورنالاسقان. قالعان 11 وبلىس «قىزىل» ايماقتا، – دەپ مالىمدەدى تسوي.
ءمينيستردىڭ ايتۋىنشا، ەپيدەميولوگيالىق جاعدايدىڭ وڭ ديناميكاسى اۋرۋعا شالدىققاندارمەن سالىستىرعاندا ساۋىعىپ كەتكەن ناۋقاستاردىڭ سانىنىڭ ارتۋىن كورسەتەدى. سوڭعى اپتادا ساۋىعىپ كەتكەن ناۋقاستاردىڭ سانى اپتانىڭ ىشىندە اۋرۋشاڭدىققا قاراعاندا 1,5 ەسە كوپ ەكەندىگى انىقتالىپ وتىر.
"ادىرنا" ۇلتتىق پورتالى
