دەنساۋلىق ساقتاۋ مينيسترلىگى امبۋلاتوريالىق ءدارى-دارمەكپەن قامتاماسىز ەتۋ جۇيەسىن وڭتايلاندىرۋ بويىنشا جۇمىستى باستادى. ۆەدومستۆو باسشىسى اقمارال ءالنازاروۆا پرەپاراتتاردىڭ ساپاسىن باقىلاۋ باستى باسىمدىققا اينالاتىنىن ايتتى، دەپ حابارلايدى “ادىرنا” ۇلتتىق پورتالى.
«حالىقتى ءدارى-دارمەكپەن قامتاماسىز ەتۋ ساپاسىنا باسا نازار اۋدارا وتىرىپ، قايتا قارالادى. مينيسترلىك امبۋلاتوريالىق ءدارى-دارمەكپەن قامتاماسىز ەتۋ جۇيەسىن وڭتايلاندىرۋ بويىنشا جۇمىستى باستادى»، - دەدى مينيستر ۆەدومستۆونىڭ
كەڭەيتىلگەن القا وتىرىسىندا.
سونداي-اق، ول سوڭعى جىلدارى 2 ەسەدەن استام وسكەن ادق شىعىندارىنىڭ ءوسۋى ۇلكەن الاڭداۋشىلىق تۋعىزاتىنىن اتاپ ءوتتى. بۇل رەتتە 41 نوزولوگيا بويىنشا پاتسيەنتتەر تەك 50%-عا قامتاماسىز ەتىلەدى.
ءدارى-دارمەكپەن قامتاماسىز ەتۋ كولەمىنىڭ جالپى وسۋىنە قاراماستان، وكىنىشكە وراي، امبۋلاتوريالىق ءدارى-دارمەكپەن قامتاماسىز ەتەتىن پاتسيەنتتەردى ەمدەلۋگە جاتقىزۋ دەڭگەيى تومەندەمەيدى.
