قازىبەك يسا: قوش بولىڭىز، ەلباسى!

3922

نازارباەۆتىڭ اتى اتازاڭدا اتالمايدى!

ەلدى شۋلاتقان: “نازارباەۆ قازاقستاننىڭ نەگىزىن سالۋشى” دەگەن نەگىزسىز باعا كونستيتۋتسياعا جازىلمايتىن بولدى…

بۇل تۋرالى مەملەكەتتىك حاتشى ەرلان قارين تەلەگرام ارناسىندا جازدى

“قر تۇڭعىش پرەزيدەنتى - ەلباسى تۋرالى ” زاڭى دا جويىلادى.

“تۇڭعىش پرەزيدەنت تۋرالى ەرەجەلەر ەلىمىزدىڭ نەگىزگى زاڭىنان تولىعىمەن الىنىپ تاستالادى”، دەپ حابارلايدى “قازاق ءۇنى” ۇلتتىق پورتالى.

قر پرەزيدەنتى قاسىم-جومارت توقاەۆتىڭ “ەستيتىن مەملەكەت” دەگەنىنىڭ تاعى ءبىر دالەلى وسى بولسا كەرەك!

جاڭا قازاق ەلىنە جاسالعان تاعى ءبىر باستى قادام! تۇبەگەيلى وزگەرىستىڭ، ساياسي رەفورمانىڭ باستاماسى! پرەزيدەنت توقاەۆتىڭ ەل بولاشاعىن ايقىنداعان، حالىق قالاۋىنان تۋعان باتىل دا، كەسىمدى، كورەگەندىك شەشىمى!

وسى اپتانىڭ باسىندا وتكەن “اق جول” فراكتسياسى جيىنىندا بۇل ماسەلە تالقىلانعان بولاتىن. “ەگەر نازارباەۆتىڭ اتى اتازاڭعا قازاقستاننىڭ نەگىزىن قالاۋشى رەتىندە جازىلسا، وندا ونىڭ الدىندا اتا تاريحىمىزداعى الاش، قازاق حاندىعى، التىن وردا، ارىداعى تۇرىك قاعاناتى بار ەمەس پە؟
قازاق مەملەكەتىنىڭ نەگىزىن قالاۋشىلار جوشى حان، كەرەي-جانىبەك، ابىلايحان، ءاليحاندار قايدا قالادى؟!-دەگەن ماسەلە كوتەرىلگەن ەدى…

2017 جىلى ەلىمىزدىڭ تاريحى ءپانىن 1991 جىلدان باستاپ وقىتۋ قولعا الىنعاندا قارسى بولىپ، دەپۋتاتتىق ساۋال جاساعان دا تەك “اق جول” فراكتسياسى ەدى.

2019 جىلدان باستاپ، اقجولدىقتار كابينەتتەرىنەن ەلباسى سۋرەتىن الىپ تاستادى. قر پارلامەنتى ءماجىلىسى دەپۋتاتى ازات پەرۋاشەۆتىڭ باستاماسىمەن 2022 جىلدىڭ 5 ناۋرىزىندا – ءاليحان بوكەيحاننىڭ تۋعان كۇنىنەن باستاپ، ۇلىستىڭ ۇلى كۇنى قارساڭىندا ۇلت كوسەمىنىڭ سۋرەتىن تورىمىزگە ءىلىپ، ءاز ناۋرىزدى جاڭا جىلمەن جاڭارىپ قارسى الدىق. قازىر “اق جول” فراكتسياسىنىڭ 12 دەپۋتاتى مەن پارتيانىڭ بارلىق كەڭسەلەرىندە الاش كوسەمى ءاليحان بوكەيحان پورترەتى ءىلۋلى تۇر.

ەندى مىنە، بۇگىندە ءبارى ورنىنا كەلىپ، ادىلەتتىلىك ورناي باستادى دەسەك تە بولادى.

ەرتەڭ 5 مامىرداعى قر پارلامەنتى ءماجىلىسىنىڭ جالپى وتىرىسىندا وسى ماسەلەگە نۇكتە قويىلادى!

ەندى نازارباەۆ پەن ەلىمىزدىڭ كەز كەلگەن ادامىنىڭ قۇقىقتارى بىردەي! ءيا، كادىمگى دامىعان دەموكراتيالىق ەلدەردەگىدەي بارلىق ادامداردىڭ قاقى تەڭ!
ادىلەتتى قازاقستان دەگەنگە ەل سەنىمى ويانا باستادى…

قوش بولىڭىز، ەلباسى!

جاڭا قازاقستانعا قوش كەلدىڭىزدەر!

قازىبەك يسا

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket