اقتاۋدا بۇرىنعى رەزيدەنتسيانىڭ ورنىنا ستاديون، ۇلكەن مەشىت جانە بالالار الاڭى سالىنادى. بۇل تۋرالى Lada باسىلىمى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، بۇل جونىندە ماڭعىستاۋ وبلىسى نۇرداۋلەت قيلىباەۆ مالىمدەمە جاساعان. ايماق باسشىسىنىڭ ايتۋىنشا، بۇل جەر تەلىمىنىڭ اۋدانى – 225 گەكتار. ول جەرگە ون مىڭ ادامعا ارنالعان ستاديون، مەشىت، بالالار الاڭىن سالۋ جوسپارلانىپ وتىر. سونىمەن قاتار جاعالاۋدا شاعىن جانە ورتا بيزنەستىڭ دامۋىن كوزدەيتىن نىساندار دا بوي كوتەرمەك.
«ايماق قالانىڭ باس جوسپارىنا كىرگىزىلدى. مەملەكەتتىك ساراپتاماعا دايىندىق جانە كەلىسۋ كەزەڭى ءجۇرىپ جاتىر. «سامال» ىقشام اۋدانىندا ورنالاسقان جەر تەلىمى 2023 جىلدىڭ جازىندا مەملەكەت مەنشىگىنە ءوتتى. بۇرىن بۇل اۋماقتىڭ قۇنى ءبىر ميلليارد تەڭگە دەپ باعالانعان»، – دەدى وبلىس اكىمى.
