ەلىمىزگە رەسەي ازاماتتارى اعىلىپ كەلۋدە، دەپ حابارلايدى "ادىرنا" ءتىلشىسى. بۇل تۋرالى قوعام بەلسەندىسى داۋلەت تولەۋتايۇلى ءوزىنىڭ پاراقشاسىندا جازدى.
داۋلەت مىرزانىڭ ايتۋىنشا، بانكتە كەزەكتە تۇرعانىندا رەسەي ازاماتتىعىنىڭ قۇجاتىمەن تىركەلىپ، سول قۇجاتپەن جۇمىس تىندىرىپ جۇرگەن جانداردى كوپ بايقاعان.
سونىمەن قاتار، بەلگىلى ءبىر كومپانيالارعا رەسەيلىكتەردەن رەزيۋمە قاپتاپ تۇسۋدە، دەيدى ول.
"كاسپي بانكتە ءتۇسىرىپ الدىم. كەشە 3 ساعات كەزەكتە وتىرىپ، ءبىر نارسەگە كوزىم انىق جەتتى. ءبىزدىڭ ەلگە رەسەيلىكتەر اعىلىپ كەلۋدە. ءبارى كاسپيدەن شوت، دەپوزيت اشۋدا. IT كومپانياسىن باسقاراتىن دوسىممەن سويلەسىپ ەدىم، رەسەيلىكتەردەن رەزيۋمە قاپتاپ كەلۋدە. بۇل مەن بايقاعان 1-2 مىسال عانا. ەگەر ءوزىمىز باسەكەگە قابىلەتتى بولماساق، ءبىلىم قۋماساق نارىقتىق ەكونوميكادا جۇمىسسىز قالامىز! #ويلانايىق
بىلەككە سەنگەن زاماندا ەشكىمگە ەسە بەرمەدىك، بىلىمگە سەنگەن زاماندا قاپى قالىپ جۇرمەلىك. (ابىلاي حان)" دەپ جازدى ول ءوز جزباسىندا.
