Elimizge Reseı azamattary aǵylyp kelýde, dep habarlaıdy "Adyrna" tilshisi. Bul týraly qoǵam belsendisi Dáýlet Tóleýtaıuly óziniń paraqshasynda jazdy.
Dáýlet myrzanyń aıtýynsha, bankte kezekte turǵanynda Reseı azamattyǵynyń qujatymen tirkelip, sol qujatpen jumys tyndyryp júrgen jandardy kóp baıqaǵan.
Sonymen qatar, belgili bir kompanııalarǵa Reseılikterden rezıýme qaptap túsýde, deıdi ol.
"Kaspıı bankte túsirip aldym. Keshe 3 saǵat kezekte otyryp, bir nársege kózim anyq jetti. Bizdiń elge Reseılikter aǵylyp kelýde. Bári kaspııden shot, depozıt ashýda. IT kompanııasyn basqaratyn dosymmen sóılesip edim, Reseılikterden rezıýme qaptap kelýde. Bul men baıqaǵan 1-2 mysal ǵana. Eger ózimiz básekege qabyletti bolmasaq, bilim qýmasaq naryqtyq ekonomıkada jumyssyz qalamyz! #oılanaıyq
Bilekke sengen zamanda eshkimge ese bermedik, bilimge sengen zamanda qapy qalyp júrmelik. (Abylaı han)" dep jazdy ol óz jzbasynda.
