قازاقستاندا بارلىق دەڭگەيدەگى ءماسليحات دەپۋتاتتارىنىڭ كەزەكتەن تىس سايلاۋى 2026 جىلعى 29 قاراشاعا بەلگىلەندى، دەپ حابارلايدى "ادىرنا".
بۇل تۋرالى ورتالىق سايلاۋ كوميسسياسىنىڭ وتىرىسىندا بەلگىلى بولدى.
وسك توراعاسىنىڭ ورىنباسارى مۇحتار ەرمان سايلاۋدى تاعايىنداۋ تۋرالى قاۋلى جوباسىن تانىستىردى. كوميسسيا ءتيىستى قاۋلىنى قابىلدادى.
سايلاۋ قازاقستان رەسپۋبليكاسى پرەزيدەنتىنىڭ بارلىق دەڭگەيدەگى ءماسليحاتتاردىڭ وكىلەتتىگىن مەرزىمىنەن بۇرىن توقتاتۋ تۋرالى جارلىعى نەگىزىندە وتكىزىلەدى.
«سايلاۋ تۋرالى» كونستيتۋتسيالىق زاڭنىڭ 101-بابىنىڭ 3-تارماعىنا سايكەس، ءماسليحات دەپۋتاتتارىنىڭ كەزەكتەن تىس سايلاۋى ولاردىڭ وكىلەتتىگى مەرزىمىنەن بۇرىن توقتاتىلعان كۇننەن باستاپ ەكى ايدان كەشىكتىرىلمەي وتكىزىلۋگە ءتيىس.
الداعى سايلاۋ اياسىندا 228 ءماسليحاتتىڭ 3447 دەپۋتاتىن سايلاۋ جوسپارلانعان. ونىڭ ىشىندە 668 ماندات وبلىستىق، 626 ماندات قالالىق جانە 2053 ماندات اۋداندىق ماسليحاتتارعا تيەسىلى.
ءماسليحات دەپۋتاتتارى جالپىعا بىردەي، تەڭ جانە توتە سايلاۋ قۇقىعى نەگىزىندە جاسىرىن داۋىس بەرۋ ارقىلى بەس جىل مەرزىمگە سايلانادى.
