قورعانىس مينيسترلىگى رەسەيگە اسكەري تەحنيكانىڭ تاسىمالدانۋى تۋرالى اقپاراتتى تاعى دا جوققا شىعارىپ وتىر، دەپ حابارلايدى “ادىرنا” قازاقپاراتقا سىلتەپ.
بىرنەشە ۋاقىت بۇرىن الەۋمەتتىك جەلىدە كورشىلەس رەسەيگە تەحنيكانىڭ تاسىمالدانۋى جايلى اقپارات جەلدەي ەستى. الايدا مينيسترلىك:
«بۇل اسكەري تەحنيكانىڭ قازاقستان رەسپۋبليكاسىنا ەش قاتىسى جوق، ول ءۇشىنشى ەلدىڭ مەنشىگى بولىپ تابىلادى جانە حالىقارالىق كەلىسىمدەر اياسىندا قازاقستان اۋماعى ارقىلى رەسەيگە جوسپارلى جوندەۋگە جىبەرىلگەن»، - دەپ حابارلادى ۆەدومستۆو.
قورعانىس مينيسترلىگى 2022 جىلدىڭ 27 تامىزىنان باستاپ قازاقستاندا قارۋ-جاراق پەن اسكەري تەحنيكانى ەكسپورتتاۋعا تىيىم سالىنعانىن جانە ول ءالى دە كۇشىندە ەكەنىن اتاپ، ەسكە سالدى.
