17 ناۋرىزدا قارجى نارىعىن رەتتەۋ جانە دامىتۋ اگەنتتىگى مەن ەۋروپالىق قايتا قۇرۋ جانە دامۋ بانكى ىنتىماقتاستىق تۋرالى مەموراندۋمعا قول قويدى. قنردا باسشىسى مادينا ابىلقاسىموۆا وسىنداي ماڭىزدى وقيعاعا لايىقتى كيىنىپ، ەۋروپالىق ۇلگىدە ەقدب ۆيتسە-پرەزيدەنتى الەن پيۋمەن كەزدەسۋگە پاريجدەگى جوعارى ءسان ءۇيىنىڭ كۋرتكاسىمەن كەلدى، دەپ جازادى "ادىرنا" ۇلتتىق پورتالى ulysmedia.kz سايتىنا سىلتەپ.
مادينا ابىلقاسىموۆا سەنت-لوراننىڭ ەكى جاقتى جولاقتى بلەيزەرىن كيىپ، الان پيۋمەن «قازاقستاننىڭ قارجى نارىعىنداعى اعىمداعى جاعدايدى، ونى ودان ءارى دامىتۋدىڭ نەگىزگى مىندەتتەرى مەن باسىمدىقتارىن» تالقىلادى.
ال، ۋكرايناداعى سوعىس پەن رەسەيگە قارسى سانكتسيالاردىڭ كەسىرىنەن قازاقستان ەكونوميكاسى دا زارداپ شەگىپ وتىر. قازاقستاننىڭ 2022-2023 جىلدارداعى ءجىو ءوسىمى جىلىنا 4%-دان -0,5-1,0%-عا دەيىن تومەندەۋى مۇمكىن. ال دەۆالۆاتسيالىق پروتسەستەرگە بايلانىستى جىلدىق ينفلياتسيا 9-10 پايىزدان اسۋى مۇمكىن.
بىراق «قازاقستاننىڭ قارجى نارىعىنداعى اعىمداعى جاعداي» ابىلقاسىموۆانىڭ گاردەروبىنا ەشقانداي اسەر ەتپەگەن سياقتى - Farfetch ءساندى ينتەرنەت-دۇكەنىندە سەنت-لوراننىڭ كۇرتەلەرى 2594 دوللارعا ساتىلادى.
