7 ملرد تەڭگە اتىراۋ وبلىسىندا سۋ تاسقىنىنان ەڭ كوپ زارداپ شەككەن قۇلسارى قالاسىنىڭ ينفراقۇرىلىمىن قالپىنا كەلتىرۋ ماقساتىندا بىرىڭعاي قايىرىمدىلىق وپەراتورى «Samruk-Kazyna Trust» ارقىلى «اتىراۋ» الەۋمەتتىك دامىتۋ كورپوراتيۆتىك قورىنا اۋدارىلدى. بۇل يگى ءىس «قازمۇنايگاز» اق قولداۋىمەن جۇزەگە اسىرىلىپ وتىر.
جالپى وسىعان دەيىن «سامۇرىق-قازىنا» اق كومپانيالارى توبى ەلىمىزدە ورىن العان سۋ تاسقىنىنا قارسى كۇرەسكە 15 ملرد تەڭگە بولگەن بولاتىن. سونىمەن بىرگە پورتفەلدىك كومپانيالار وڭىرلەردە ازاماتتاردى تاسىمالداۋدى ۇيىمداستىرىپ، ارنايى تەحنيكا ءبولىپ، گۋمانيتارلىق كومەك كورسەتتى.
بۇگىندە قوردىڭ بىرىڭعاي قايىرىمدىلىق وپەراتورى «Samruk-Kazyna Trust» قورىنا ەنشىلەس كاسىپورىنداردىڭ سەرىكتەستەرىنەن سۋ تاسقىنى سالدارىن جويۋعا قاراجات ءتۇسۋ جالعاسۋدا. ولاردىڭ ىشىندە مۇناي-گاز سەكتورىنداعى رۋمىندىق «Rompetrol»، ءىرى اتوم كومپانيالارى «Cameco» جانە «CGN» جانە «Marubeni» جاپوندىق ساۋدا كومپانياسى بار. قاراجات وڭىرلەردەگى ينفراقۇرىلىمدى قالپىنا كەلتىرۋگە باعىتتالاتىن بولادى.
