اتاعى جەر جارعان ايگىلى كۋتيۋرە كريستيان ديوردىڭ مۋزاسى، قازاق قىزى اللا ەلشىننىڭ بەينەسى بەلگىلى برەند Dior سومكەلەرىندە بەينەلەندى. بۇل تۋرالى بەلگىلى قازاقستاندىق ەكونوميست، ديپلومات جانە ءسان تاريحشىسى بەرلين يريشەۆ ايتتى، دەپ حابارلايدى “ادىرنا” ۇلتتىق پورتالى.
بەرلەن يريشەۆتىڭ مالىمەتىنشە، قازاق ارۋىنىڭ بەينەسى الەمنىڭ 82 ەلىندەگى دۇكەن ۆيترينالارىندا پايدا بولدى.
اللا ەلشىننىڭ بەينەسى برەند تاريحىنىڭ ءبىر بولىگىنە اينالدى. ونىڭ ەسىمى اتى اڭىزعا اينالعان ءسان ءۇيى Dior جانە اللانىڭ پورترەتىمەن بەزەندىرىلگەن “Lady Dior” سومكەلەرىنىڭ جاڭا نۇسقاسىنىڭ شىعۋىنىڭ ارقاسىندا الەمدىك ارەنادا قايتا جارقىراپ تۇر.
فوتو: بەرلين يريشەۆ
قول سومكەسىنىڭ قۇنى شامامەن 6 مىڭ ەۋرونى قۇرايدى جانە بۇل 30 جىلدا العاش رەت يكونالىق سومكەدە سۋرەت پايدا بولدى. بۇرىن ەشبىر مودەل مۇنداي قۇرمەتكە يە بولماعان.
ەندى اللا ەلشىننىڭ پورترەتى ەۋروپادان وڭتۇستىك-شىعىس ازياعا دەيىنگى الەمنىڭ 82 ەلىندەگى Dior بۋتيكتەرىنىڭ سورەلەرىندە ىلىنەتىن بولادى.
