كاسىپكەر مارعۇلان سەيسەمباي قازاقستاندىقتاردى ۋكراين حالقىنا قولداۋ كورسەتۋگە، گۋمانيتارلىق كومەك قولىن سوزۋعا شاقىردى، دەپ حابارلايدى "ادىرنا" ۇلتتىق پورتالى.
بۇل تۋرالى ول ءوزىنىڭ Facebook پاراقشاسىندا جازدى:
ء"بىز جاقىندا عانا قاسىرەتتى قاڭتار كۇندەرىن باستان وتكەرگەن كوپۇلتتى قازاقستاننىڭ ءبىرتۇتاس حالقىمىز. كرەملدىڭ ۋكرايناعا جاساپ جاتقان اسكەري اگرەسسياسىنا اسا الاڭداپ وتىرمىز. عاسىرلار بويى تاتۋلىعىنا سىزات تۇسپەگەن باۋىرلاس ەكى ەلدىڭ سوعىسىن كورۋ ءبىز ءۇشىن اۋىر. ۋكراينا تاۋەلسىز مەملەكەت! ۋكراين حالقىنىڭ ءوز ەلىنىڭ تاۋەلسىزدىگىن قورعاۋعا تولىق قۇقىعى بار ەكەنى داۋسىز.
ءبىز دە وتانىمىزدىڭ تاۋەلسىزدىگىن بارىنشا قورعاۋعا دايىن ەكەنىمىزدى ايتقىمىز كەلەدى. حالقىمىز تالاي ۇلتتىڭ باسىنان سيپاپ، مەيىرىمىن توككەن. سوعىس زۇلماتىنان قاشقان قانشاما جاندى پانالاتىپ، باۋىرىنا باسقان. قورعانسىزعا قول ۇشىن سوزۋ - حالقىمىزدىڭ قانىنا سىڭگەن قاسيەت. سوعىس كەزىندە مىڭداعان حالىق تۋعان جەرلەرى مەن ۇيلەرىن تاستاپ كەتۋگە ءماجبۇر بولادى. سوعىس كەزىندە ادام ءۇشىن ەڭ قاراپايىم دەگەن زاتتاردىڭ ءوزى تاپشى بولادى: كيىم-كەشەك، ءدارى-دارمەك، ازىق-تۇلىك. كەز كەلگەن سوعىس – اۋقىمدى گۋمانيتارلىق داعدارىس" دەپ جازدى ول.
ءبىز، باۋىرلاس ۋكراينا حالقىمەن بىرگەمىز دەگىمىز كەلەدى!
قۇرمەتتى قازاقستاندىقتار، سىزدەردى تاعدىرلارى قىل ۇستىندە تۇرعان ۋكراين حالقىنا قولعابىس ەتۋگە شاقىرامىز! ۋكراينا ەلىنە ارنايى جىبەرىلەتىن ءدارى-دارمەك پەن مەديتسينالىق قۇرالداردى جيناپ، گۋمانيتارلىق كومەك بەرۋگە شاقىرامىز! گۋمانيتارلىق كومەكتى (مەديتسينالىق پرەپاراتتاردى) قابىلداۋ پۋنكتتەرى:
1. استانا قالاسىندا: ۋكراينا ەلشىلىگى، جىلىوي ك-ءسى، 12 بايلانىس ءنومىرى: +7 707 299 93 57 راحيمبەك
2. الماتى قالاسىندا: فونۆيزين ك-ءسى، 10, 307 كاب. بايلانىس ءنومىرى: +7 771 377 77 73 قاجەتتى ءدارى-دارمەكتەردىڭ ءتىزىمىن ۋكراينا ەلشىلىگىنەن الۋعا بولادى.و
قوسىمشادا قاجەتتى ءدارى-دارمەكتەر ءتىزىمى بەرىلگەن.
1. ارمان شوراەۆ
2. ايناش كەرنەي،
3. باقىتجان بۇحارباي
4. باقىتجان تورەعوجينا
5. ەرمۇرات باپي
6. دينا ەلگەزەك
7. دوسىم ساتباەۆ
8. قارلىعاش ەجەنوۆا
9. مارعۇلان سەيسەمباەۆ
10. مۇحتار جاكىشەۆ
11. راحىمبەك ءابدىراحمانوۆ
12. سانجار بوقاەۆ
13. توعجان قوجاليەۆا
ءدارى-دارمەك ساتىپ الۋعا جينالاتىن قاراجات ءۇشىن راحىمبەك ءابدىراحمانوۆتىڭ كاسپي كارتاسىنىڭ دەرەكتەرى: 5169 4971 1448 9911. كارتا +7707 299 93 57 تەلەفون نومىرىنە قوسىلعان.
"ادىرنا" ۇلتتىق پورتالى
