رەسەي بۇل سوعىسقا ۇزاق دايىندالعان. قور جيناعان. 630 ميلليارد دوللارلىق. 16% دوللارمەن، 13% يۋان، ەۋرو جانە التىن. سوڭعى ەكى جىلدا الەمدەگى التىندى ەڭ كوپ ساتىپ العان ەل رەسەي بولاتىن.
كوروناۆيرۋس كەزىندە جۇرت ەل قاتارلى اقشا تاراتۋدى سۇراعاندا دا جارىتپاعان. اقشالارىڭ وسى چيورنىي دەنگە جيناعان. ۋكراينامەن سوعىس جالعاسىپ جاتىر. ءبارى وزدەرىنىڭ ويلاعانىنداي بولمادى. ءالى بىردە ءبىر ۇلكەن قالانى المادى. دونەتسك پەن لۋگانسكتىڭ بۇرىڭعى تەرريتوريالارىن دا قايتارا الماي جاتىر. كەلىسىم شارتتار جۇرۋدە. رەسەي الدەن ارتقا بەرۋدە سياقتى. مىنا زاماندا ەشكىم ءوز ءوزىن ولىمگە ايدامايدى. كەشە ماسكەۋ قالاسىنىڭ سوتى فەيسبۋك پەن ينستاگرامدى ەكسترەميستىك ۇيىم دەپ تانىدى. بۇلار ەندى رەسەيدە جارناما ساتا المايدى.
ءبىزدىڭ ومىرىمىزگە قاتىستىلارىن ايتايىق. كەشە موسبيرجا اشىلعانىمەن اكتسيالار ساتىلىمعا شىقپادى. تەك مەملەكەتتىك وبليگاتسيالاردى ساتتى. سوعىس باستالعاندا رەسەيدىڭ سىرتتاعى اقشالارى بۇعاتتالدى. بۇل تابيعي نارسە. كەز كەلگەن ەل وزدەرىنە ينۆەستورلار كەلۋلەرى ءۇشىن امەريكا مەن باتىس ەلدەرىنە اقشالارىن قويادى. بۇل اقشا گارانت رەتىندە تۇرادى. قانداي جاعدايدا ءوز ەلدەرىندەگى شەتەلدىك ينۆەستورلارعا ارەست جاساسا. شەتەلدىك اقشالار بۇعاتتالادى.
1998-دە الەمدە مۇنايدىڭ باعاسى 3 ەسە ارزاندادى. رەسەيدىڭ بيۋدجەتىنىڭ قارىزدارى ءوسىپ رۋبل 1 جىلدا 4 ەسە قۇنسىزداندى. قازىر الەم وسىنى كۇتۋدە. بىراق مۇنداي جاعداي قايتالانباۋى دا مۇمكىن. امەريكا 5-ءىنشى پاكەت سانكتسيالاردى دايىنداۋدا. بۇل جولى بۇكىل بانكتەرىن Swift-تەن اجىراتادى دەپ جاتىر. باسقا دا تاۋارلارىنا سانكتسيا جاريالاۋى مۇمكىن. سول كەزدە رۋبل 120-عا قايتا وسەتىن شىعار. تسەنتر بانك قايتا پايىزدىق ستاۆكانى كوتەرۋ مۇمكىن. قازىردىڭ وزىندە ولاردا پايىزدىق ستاۆكا 20%. بۇل دەگەن يپوتەكالىق كرەديتتەر كەمىندە 25-30%. مۇنداي جوعارى پايىزبەن ەشكىم كرەديت العىسى كەلمەيدى. قۇرىلىس ازايادى. بۇل نارسەلەر بىزگە دە قاتىستى.
"ادىرنا" ۇلتتىق پورتالى
