اسكەردى اكەتەمىز: رەسەي شەكارا ماڭىنان شەگىنە باستادى

6268
Adyrna.kz Telegram

رەسەي اسكەرلەرىنىڭ ءبىر بولىگى «سويۋزنايا رەشيموست -2022» اتتى وقۋ-جاتتىعۋلارى وتەتىن جەردەن تۇراقتى ورنالاساتىن جەرلەرىنە ورالۋدا، دەپ حابارلادى قورعانىس مينيسترلىگىنىڭ ءباسپاسوز حاتشىسى يگور كوناشەنكوۆ.

"وڭتۇستىك جانە باتىس اسكەري وكرۋگتەرىنىڭ بولىمدەرى تاپسىرمالارىن ورىنداپ، تەمىرجول جانە اۆتوموبيل كولىگىنە تيەۋدى باستادى جانە بۇگىننەن باستاپ ولار وزدەرىنىڭ اسكەري گارنيزوندارىنا كوشە باستايدى. جەكە بولىمدەر اسكەري كولوننالار قۇرامىندا ءوز بەتىنشە شەرۋگە شىعادى", - دەدى ول.

ءبىر كۇن بۇرىن پرەزيدەنت ۆلاديمير ءپۋتيننىڭ، سىرتقى ىستەر ءمينيسترى سەرگەي لاۆروۆ جانە قورعانىس ءمينيسترى سەرشەي شويگۋمەن كەزدەسۋى ءوتتى. ولار رەسەي مەن بەلارۋستىڭ اسكەري مانەۆرلەرى، سونداي-اق قاۋىپسىزدىك كەپىلدىگى بويىنشا كەلىسسوزدەردىڭ بارىسى جونىندە تالقىلادى.

بۇگىن رەسەي اسكەري ۆەدومستۆوسى تەحنيكانىڭ ءبىر بولىگىن تەمىرجول پلاتفورمالارىنا تيەۋ بەينەروليكتەرىن كورسەتتى. بەينەجازبادا تانكتەر، جاياۋ اسكەرلەردىڭ جاۋىنگەرلىك ماشينالارى مەن وزدىگىنەن جۇرەتىن ارتيللەريالىق قوندىرعىلار، سونداي-اق مودەرنيزاتسيالانعان ت-72ۆ3 كولونناسىنىڭ قوزعالىسىنىڭ كادرلارى كورسەتىلگەن.

كەيبىر بولىمشەلەر ءالى دە بەلارۋس اۋماعىندا قالدى.

رەسەي-بەلارۋس مانەۆرلەرى 10 اقپاندا باستالدى. قازىر وداقتىڭ رەاكتسيالىق كۇشتەرىن سىناۋدىڭ ەكىنشى كەزەڭى ءجۇرىپ جاتىر، ول 20 اقپانعا دەيىن جالعاسادى. ماقسات – سىرتقى اگرەسسيا مەن لاڭكەستىك شابۋىلداردىڭ كورىنىسىن پىسىقتاۋ. رەسەي مەن بەلارۋس وكىلدەرى مانەۆرلەردىڭ قورعانىس سيپاتىندا ەكەنىن جانە ەشكىمگە قاۋىپ توندىرمەيتىنىن بىرنەشە رەت مالىمدەگەن.

"ادىرنا" ۇلتتىق پورتالى

پىكىرلەر