قازاقستاننىڭ سىرتقى ىستەر مينيسترلىگى زاحاروۆانىڭ ۋكراينانىڭ قازاقستانداعى ەلشىسىنە قاتىستى مالىمدەمەسىنە تۇسىنىكتەمە بەردى

2148
Adyrna.kz Telegram
فوتو: azattyq.org
فوتو: azattyq.org

قازاقستاننىڭ سىرتقى ىستەر مينيسترلىگى رەسەي سىرتقى ىستەر مينيسترلىگىنىڭ رەسمي وكىلى زاحاروۆانىڭ ۋكراينانىڭ قازاقستانداعى ەلشىسىنە قاتىستى مالىمدەمەسىنە تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.

«ونىڭ مالىمدەمەسىنىڭ ءۇنى، ءبىزدىڭ ويىمىزشا، قازاقستان مەن رەسەيدىڭ تەڭ قۇقىلى ستراتەگيالىق ارىپتەستەر رەتىندەگى وداقتاستىق قارىم-قاتىناستارىنىڭ سيپاتىنا سايكەس كەلمەيتىنىن اتاپ وتكىم كەلەدى»، - دەدى قر ءسىم ءباسپاسوز حاتشىسى ايبەك سمادياروۆ.

سونداي-اق، رەسەي ەلشىسى الەكسەي بوروداۆكين قازاقستان سىرتقى ىستەر مينيسترلىگىنە اڭگىمەلەسۋ ءۇشىن شاقىرىلدى

ەسكە سالايىق، بۇعان دەيىن قازاقستاننىڭ رەسەيدەگى ەلشىسى ەرمەك كوشەرباەۆ رەسەي سىرتقى ىستەر مينيسترلىگىنە شاقىرىلىپ، وعان قازاقستان تاراپى ەشۋاقىتتا شىعارىپ جىبەرمەگەن ۋكراينانىڭ رەسپۋبليكاداعى ەلشىسى پەتر ۆرۋبلەۆسكيگە قاتىستى جاعدايدى قابىلداۋعا بولمايتىنىن ايتقان بولاتىن.

بۇل تۋرالى رەسەي ديپلوماتيالىق ميسسياسىنىڭ رەسمي وكىلى ماريا زاحاروۆانىڭ تۇسىنىكتەمەسىندە دە ايتىلعان.

پىكىرلەر