ەۋروپا وداعى رەسەيگە قارسى سەگىزىنشى سانكتسيا پاكەتىن دايىندادى. شەكتەۋ مۇناي مەن كومىر ەكسپورتىنا، اۆياتسيا مەن حيميالىق زاتتار سىندى تەحنيكالىق ونىمدەرگە قويىلدى، دەپ حابارلايدى "ادىرنا" ۇلتتىق پورتالى.
زاپوروج جانە حەرسون ايماقتارىنداعى باسقىنشىلىق ارەكەتىنەن كەيىن رەسەي ەكونوميكاسىنا تاعى تۇساۋ سالىندى. رەسەيدەگى فەدەراتسيا كەڭەسىنىڭ توراعاسى ۆالەنتينا ماتۆيەنكو ۋكراينا دەلەگاتسياسىمەن قول الىسىپ، ىمىرالاستىققا كەلۋگە دايىن ەكەندىكتەرىن جەتكىزدى.
- رەسەيدىڭ تالاپتارى ماقۇلدانعان جاعدايدا، ىمىراعا كەلۋگە دايارمىز، - دەدى فەدەراتسيا باسشىسى.
ناتو مەن ەۋروپا وداعىنا مۇشە مەملەكەتتەر ۋكراينا اسكەرلەرىن ۇرىسقا دايىنداۋعا تولىق قاتىسىپ جاتىر. ۋكراينانىڭ ناتو قۇرامىنا قابىلدانۋ-قابىلدانباۋىنا قاتىستى ەۋروپا وداعىنىڭ وكىلى تەرري برەتون:
- ۋكراينا جەرىندە سوعىس ءورتى ءورشىپ تۇر. سوندىقتان ۋكراينا ازىرگە ناتو-عا مۇشە بولا المايدى، - دەدى ءوز سوزىندە.
