Viktor Kiianisa... Tanymal jurnalist. Qoltaŋbasy bölek publisist. «Komsomolskaia pravda Kazahstan» basylymynyŋ basşysy. Jıgerlı jetekşı.
Qyryq jyl būryn KazGU-ge bırge tüstık. Tügelge derlık bas qalada tūratyn orys tobyndaǧy örkeude jıgıtterdıŋ ışındegı eŋ qarapaiymy sol edı. Ol keiın Mäskeuge auysyp kettı. MGU-dı bıtırdı. Oquyn tauysqan soŋ sol kezde dünienı dürıldetıp tūrǧan «Komsomolskaia pravdada» qyzmet ıstedı. Mäskeuge jolymyz tüskende jiı jolyǧyp tūratynbyz. Onda tūraqtap qalmai, elımızge qaityp keldı. Mäskeu jaqty betke alǧandardyŋ köştı kerı būrǧanyn körmep edık... Sodan berı taban audarmai aqparat salasynda ūzaq jyl ter töktı. Qazaq jurnalisterıne jaqyn jürdı. Olardyŋ da Viktorǧa degen yqylasy bölek-tı...
Talai ret jolymyz toǧysty. Vitiamen bırge bız qaida barmadyq?! Mūhit astyq, teŋız keştık. Jer-jerdı şarladyq. Tau-tasty kezdık. Sonda baiqadyq. Saparlas boluǧa taptyrmaityn senımdı serık. Jaiyŋdy oilaidy, janyŋdy ūǧady. Mi qyrtysyna deiın mädeniet qonǧan jıgıt edı.
Bügın ömırden öttı... Indet ırgeden tap berıptı. Kım oilaǧan?.. Qoş bol, Viktor! Sodan eskı albomdy aqtaryp...
Bauyrjan OMARŪLY,
"Adyrna" ūlttyq portaly
