Vıktor Kııanıa... Tanymal jýrnalıst. Qoltańbasy bólek pýblııst. «Komsomolskaıa pravda Kazahstan» basylymynyń basshysy. Jigerli jetekshi.
Qyryq jyl buryn KazGÝ-ge birge tústik. Túgelge derlik bas qalada turatyn orys tobyndaǵy órkeýde jigitterdiń ishindegi eń qarapaıymy sol edi. Ol keıin Máskeýge aýysyp ketti. MGÝ-di bitirdi. Oqýyn taýysqan soń sol kezde dúnıeni dúrildetip turǵan «Komsomolskaıa pravdada» qyzmet istedi. Máskeýge jolymyz túskende jıi jolyǵyp turatynbyz. Onda turaqtap qalmaı, elimizge qaıtyp keldi. Máskeý jaqty betke alǵandardyń kóshti keri burǵanyn kórmep edik... Sodan beri taban aýdarmaı aqparat salasynda uzaq jyl ter tókti. Qazaq jýrnalısterine jaqyn júrdi. Olardyń da Vıktorǵa degen yqylasy bólek-ti...
Talaı ret jolymyz toǵysty. Vıtıamen birge biz qaıda barmadyq?! Muhıt astyq, teńiz keshtik. Jer-jerdi sharladyq. Taý-tasty kezdik. Sonda baıqadyq. Saparlas bolýǵa taptyrmaıtyn senimdi serik. Jaıyńdy oılaıdy, janyńdy uǵady. Mı qyrtysyna deıin mádenıet qonǵan jigit edi.
Búgin ómirden ótti... Indet irgeden tap beripti. Kim oılaǵan?.. Qosh bol, Vıktor! Sodan eski albomdy aqtaryp...
Baýyrjan OMARULY,
"Adyrna" ulttyq portaly
