Moŋǧol tılı turaly zaŋǧa säikes, 2025 jyldyŋ 2 qaŋtarynan bastap resmi memlekettık qūjattarda kirillisa da, dästürlı moŋǧol jazuy da qoldanylady. Būl turaly moŋǧoldyq MONSAME agenttıgı jariialady, dep habarlaidy “Adyrna” ūlttyq portaly.
“Moŋǧol tılınıŋ osy Zaŋynyŋ 7.2-babynyŋ 11.1.2. tarmaǧynda memlekettık organdar men jergılıktı basqaru organdarynyŋ resmi qūjattardy ūlttyq jazumen qatar kirillisada jürgızu mındetı közdelgen. Būl ūlttyq jazu baǧdarlamasyn kezeŋ-kezeŋımen jüzege asyru jäne tiısınşe bılım beru jüiesın qamtamasyz etu negızınde ıske asyrylady. 24.2-baptyŋ 7.2-tarmaǧy 2025 jyldyŋ 1 qaŋtarynan bastap küşıne enedı”, delıngen qūjatta.
Bılım beru ūiymdary osy Zaŋnyŋ talaptaryn oryndauda basty röl atqarady.
2021 jyly ötkızılgen ūlttyq saualnamaǧa memlekettık qyzmetkerlerdıŋ 150 myŋǧa juyq ökılı qatysqan .
Saualnama nätijelerı körsetkendei, memlekettık qyzmetkerlerdıŋ 50 paiyzdan astamy resmi qūjattarda kirillisany dästürlı moŋǧol jazuymen qatar qoldanuǧa daiyn ekenın bıldırgen, al qalǧan 46,4 paiyzy qarsy ekenın aitqan.
El boiynşa ortaşa körsetkıştermen jäne basqa aimaqtarmen salystyrǧanda, Gov-Altai aimaǧynyŋ memlekettık qyzmetkerlerınıŋ 74,7 paiyzy öz jūmystarynda moŋǧol jazuyn paidalanuǧa daiyn ekenderın bıldırgen, būl eŋ joǧary körsetkış boldy.
Sondai-aq, 200 myŋ memlekettık qyzmetkerlerdıŋ arasynda 69 myŋ 400 qyzmetker nemese 53,6 paiyzy mekteptıŋ bırınşı synybynan bastap moŋǧol jazuyn üirengen.
