Mońǵol tili týraly zańǵa sáıkes, 2025 jyldyń 2 qańtarynan bastap resmı memlekettik qujattarda kırıllıa da, dástúrli mońǵol jazýy da qoldanylady. Bul týraly mońǵoldyq MONAME agenttigi jarııalady, dep habarlaıdy “Adyrna” ulttyq portaly.
“Mońǵol tiliniń osy Zańynyń 7.2-babynyń 11.1.2. tarmaǵynda memlekettik organdar men jergilikti basqarý organdarynyń resmı qujattardy ulttyq jazýmen qatar kırıllıada júrgizý mindeti kózdelgen. Bul ulttyq jazý baǵdarlamasyn kezeń-kezeńimen júzege asyrý jáne tıisinshe bilim berý júıesin qamtamasyz etý negizinde iske asyrylady. 24.2-baptyń 7.2-tarmaǵy 2025 jyldyń 1 qańtarynan bastap kúshine enedi”, delingen qujatta.
Bilim berý uıymdary osy Zańnyń talaptaryn oryndaýda basty ról atqarady.
2021 jyly ótkizilgen ulttyq saýalnamaǵa memlekettik qyzmetkerlerdiń 150 myńǵa jýyq ókili qatysqan .
Saýalnama nátıjeleri kórsetkendeı, memlekettik qyzmetkerlerdiń 50 paıyzdan astamy resmı qujattarda kırıllıany dástúrli mońǵol jazýymen qatar qoldanýǵa daıyn ekenin bildirgen, al qalǵan 46,4 paıyzy qarsy ekenin aıtqan.
El boıynsha ortasha kórsetkishtermen jáne basqa aımaqtarmen salystyrǵanda, Gov-Altaı aımaǵynyń memlekettik qyzmetkerleriniń 74,7 paıyzy óz jumystarynda mońǵol jazýyn paıdalanýǵa daıyn ekenderin bildirgen, bul eń joǵary kórsetkish boldy.
Sondaı-aq, 200 myń memlekettik qyzmetkerlerdiń arasynda 69 myń 400 qyzmetker nemese 53,6 paıyzy mekteptiń birinshi synybynan bastap mońǵol jazýyn úırengen.
