Shymkenttegi «Kórme» ortalyǵynda Qazaqstan Respýblıkasy Táýelsizdiginiń 30 jyldyǵyna oraı qala ákimdigi uıymdastyrǵan «Shymkent Önımderı — 2021» atty jergilikti taýar óndirýshilerdiń kórmesi bastaldy.
Úsh kún boıy jalǵasatyn kórmeniń maqsaty — jergilikti taýar óndirýshilerdi tutynýshylarǵa keńinen tanystyryp, olardyń isin ilgeriletýge kómektesý. Bul sharaǵa óńdeý ónerkásibi baǵytynda jumys istep, daıyn ónim shyǵaryp jatqan 100-ge jýyq shymkenttik kompanııa qatysýda. Olardyń arasynda qurylys materıaldaryn, jıhaz, medıınalyq qural-jabdyqtar óndiretin kásiporyndar bar.
Shymkent qalasynyń ákimi Murat Áıtenov kórmeni aralap, usynylǵan taýarlarmen tanysyp shyqty.
—Memleket basshysy Qasym-Jomart Toqaevtyń tapsyrmasyna sáıkes, 2025 jylǵa deıin óńdeý ónerkásibindegi eksport kólemin 1.5 esege, al, eńbek ónimdiligin 30 paıyzǵa arttyrýǵa tıispiz. Osy maqsatqa qol jetkizý úshin búginde Shymkent qalasynda jergilikti taýar óndirýshilerge júıeli túrde jan-jaqty qoldaý kórsetilip keledi. Búgingi kórme sonyń bir aıǵaǵy. Bul is-sharaǵa túrli memlekettik organdardyń, jobalaýshy jáne merdiger mekemelerdiń ókilderi jáne ózge de áleýetti satyp alýshylar qatysýda. Munda taýar óndirýshiler óz ónimderin tanystyryp qana qoımaı, ózara tıimdi kelisimder jasaý múmkindigine ıe, — dedi Shymkent qalasynyń ákimi Murat Áıtenov.
Kórmege qatysýshy kompanııalardyń biri — «MedCamfort» JShS-i. Bul kásiporyn medıınalyq jıhaz ben qural-jabdyqtar óndiredi.
—Bizdiń kásiporyn 2016 jyldan beri jumys istep keledi. Búginde 50 adamdy jumyspen qamtyp otyrmyz. Kez kelgen emhana men aýrýhanany medıınalyq qural-jabdyqtar jáne jıhazben tolyq jabdyqtaı alamyz. Ásirese, kýshetkalar men tórt fýnkıonaldy avtomattandyrylǵan kereýetterge suranys joǵary. Óndiristi keńeıtý maqsatynda «Juldyz» ındýstrıaldy aımaǵynan úlken jańa zaýyt salyp jatyrmyz, — deıdi «MedCamfort» JShS-iniń atqarýshy dırektory Jadyra Ánýarbekqyzy.
Aıta keteıik, kórmeniń aıasynda túrli baıqaýlar men eksportty ilgeriletý jónindegi keńes ótkiziledi. Onda taýar óndirýshilerge memlekettik qoldaý sharalary túsindirilip, eksportqa shyǵý barysyndaǵy problemalardy kásipkerlermen birlesip talqylaý josparlanǵan.
