Búgin Shymkent qalasynyń ákimi Ǵabıt Syzdyqbekov bir otbasyny ajaldan arashalaǵan Marına Gafarovanyń shańyraǵynda boldy. Marınanyń kózsiz erliginiń arqasynda kámelet jasyna tolmaǵan alty bala órtten aman qalyp, qaharmandyǵyna el tánti bolǵan edi.
Qala ákimi qaýip-qaterge qaramastan ózgeniń ómirin qutqarǵan erligine alǵysyn jetkizip, Marına Gafarovaǵa baspana jaǵynan qoldaý kórsetýge ýáde berdi. Jaqyn arada shymkenttik batyr kelinshekke demeýshilerdiń kómegimen jańadan salynyp jatqan turǵyn úıden 4 bólmeli páterdiń kilti tabystalatyn bolady.
Eske salsaq, oqıǵa 16 jeltoqsanǵa qaraǵan túni saǵat 01:57-de Qaınarbulaq saıajaıy, Orehovaıa kóshesi №58 meken jaıynda ornalasqan turǵyn úıde bolǵan. Marına tún ortasynda kórshi úıden shyqqan qyzyl jalyndy baıqap, óz ómirine qaýip tónip tursa da, terezeni syndyryp, balalardy qoıý tútinniń arasynan aman alyp shyqqan.
Al kópbalaly ana M.Gafarovanyń bul eńbegi eskerilip, erligi men batyldyǵy úshin Tótenshe jaǵdaılar mınıstrligi tarapynan nagradtaýǵa da usynylǵan bolatyn.
«Adyrna» ulttyq portaly
