Ótken jyldyń qarasha aıynda Eńbekshi aýdanynda Qamysty kóshesindegi káriz qubyry jarylǵan bolatyn. Saldarynan Ahmet Mámetov kóshesinde ornalasqan 4 turǵyn úıdiń aýmaǵy men balabaqsha aýlasy sý astynda qaldy.
Apattan zeınetker Lıýdmıla Pankratovanyń úıi aıtarlyqtaı zaqymdandy.
Qala ákimi Ǵabıt Syzdyqbekov sý basqan aýmaqtyń turǵyndarymen arnaıy kezdesip, máselemen tanysqan edi. Osy oraıda «Sý resýrstary-Marketıng» JShS kompanııasynyń basshylyǵy baspanany qaıta qalpyna keltirýdi jaýapkershiligine aldy. Sonymen qatar, kompanııa jalǵa alý qunyn ótep, úı turǵyndaryn ýaqytsha páterge kóshirdi.
Búgin qala basshysy kezekti aralaý barysynda Lıýdmıla Pankratovaǵa jańa úıdiń kiltin tabys etti. Sondaı-aq Naýryz merekesimen quttyqtap, qarııaǵa zor densaýlyq pen amandyq tiledi.
