Tıisti quqyqtyq-normatıvtik aktiler boıynsha áýejaıdyń sanıtarlyq qorǵaý aımaǵy 100 metrge deıingi qashyqtyqty alyp jatýy shart. Oǵan áýejaı mańyndaǵy 139 gektar jer kiredi, dep habarlaıdy «Adyrna» ulttyq portaly Shymkent qalasynyń ákimi Ǵabıt Syzdyqbekovtiń ınstagram paraqshasyna silteme jasap.
«Sonymen qatar atalǵan aımaqtaǵy 307 jer teliminde turǵyn úıler ornalasqan.
Atalǵan máseleni sheshý maqsatynda, 307 jer telimin memleket muqtajyna qaıtaryp alý jóninde qaýly qabyldanǵan bolatyn.
Alaıda, baǵalaý jumystary bul maqsatqa 30 mıllıard teńge qajet ekenin kórsetti.
Nátıjesinde, memleket muqtajyna qaıtaryp alýdyń qala bıýdjetine salmaq túsiretini anyqtaldy. Sol sebepti, Shymkent áýejaıyna sanıtarlyq qaýipsizdikti qamtamasyz etetin qashyqtyqtan jańa ushý-qoný jolaǵyn salý týraly sheshim qabyldandy. Osyǵan oraı, jobalyq-smetalyq qujattardy ázirleý úshin «Qazaq City Stroy» JShS-imen memorandým túzildi.
Áýejaıdaǵy jańa ushý-qoný jolaǵynyń uzyndyǵy — 3 300 metr, al, eni — 45 metr bolady. Nátıjesinde, halyqtyń baspanasy buzylmaıdy. Memleket qarjysy da únemdelip, áýejaı zamanaýı ushyp-qoný jolaǵyna ıe bolady», - dedi ákim.
