Shymkentte Báıterekov pen Nazarbekov kósheleriniń qıylysynda júrgizýshisi joq avtobýs 6 adamdy qaǵyp ketti. Bul týraly qalalyq polıııa departamenti málimdedi, dep habarlaıdy “Adyrna” ulttyq portaly.
8 sáýir keshki saǵat 18:30 shamasynda «Metro» saýda úıiniń janyndaǵy eki kósheniń qıylysynda júrgizýshisi joq avtobýs qarsy baǵytqa shyǵyp ketip, jaıaý júrginshi jolaǵynda kele jatqan 6 adamdy qaqqan.
Saldarynan eki áıel men jasóspirim oqıǵa ornynda jáne kámeletke tolmaǵan qyz jansaqtaý bóliminde kóz jumdy. Sonyń ishinde 17 jastaǵy qyz qalalyq klınıkalyq aýrýhanaǵa jetkizilgen. Dárigerler 2005 jylǵy qyzdyń jaǵdaıyn ortasha aýyr dep baǵalady, ol neırohırýrgııa bóliminde jatyr.
Oqıǵa ornyna tórt jedel járdem brıgadasy bardy. Feldsher zardap shekkenderge alǵashqy kómek kórsetip, olardy jaqyn mańdaǵy aýrýhanalarǵa jetkizdi.
Basqa zardap shekkender oblystyq balalar aýrýhanasynda, perınataldyq ortalyqta jáne Shymkent qalalyq klınıkalyq aýrýhanasynda em alýda.
